ଭାରତୀୟ ଦଳର ପୂର୍ବତନ ଅଧିନାୟକ ମହମ୍ମଦ ଆଝାରୁଦ୍ଦିନ ଏବେ ରାଜନୀତିରେ ନୂଆ ଇନିଂସ ଆରମ୍ଭ କରିଛନ୍ତି। ଶୁକ୍ରବାର ସେ ତେଲେଙ୍ଗାନା ସରକାରରେ ମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତି। ଏହା ସହିତ ତାଙ୍କ ଜୀବନରେ ଏକ ନୂଆ ଅଧ୍ୟାୟ ଯୋଗ ହୋଇଛି।ମୁଖ୍ୟମନ୍ତ୍ରୀ ରେବନ୍ତ ରେଡ୍ଡୀଙ୍କ ନେତୃତ୍ୱାଧୀନ କଂଗ୍ରେସ ସରକାର ପୂର୍ବତନ ହାଇ-ପ୍ରୋଫାଇଲ୍ ବ୍ୟାଟସମ୍ୟାନଙ୍କୁ ନିଜ ପଦରେ ସାମିଲ କରିବା ପରେ, ରାଜଭବନରେ ଆୟୋଜିତ ଏକ ସରଳ ମର୍ଯ୍ୟାଦାଜନକ ଉତ୍ସବରେ ରାଜ୍ୟପାଳ ଜିଷ୍ଣୁ ଦେବ ବର୍ମା ତାଙ୍କୁ ପଦ ଏବଂ ଗୋପନୀୟତାର ଶପଥ ପାଠ କରାଇଛନ୍ତି। ଶପଥ ନେବା ପରେ ଆଝାରୁଦ୍ଦିନ ଏକ ଜାତୀୟ ମାଧ୍ଯମ ସହିତ କଥା ହୋଇ ତାଙ୍କ ରାଜନୈତିକ ଯାତ୍ରା ଉପରେ ଭାବବିହ୍ଵଳ ପ୍ରତିକ୍ରିୟା ଦେଇଥିଲେ।ପୂର୍ବତନ ଅଧିନାୟକ ତାଙ୍କର ରାଜନୈତିକ ଉନ୍ନତି ପାଇଁ ରାଜ୍ୟ ନେତୃତ୍ୱର ଦୃଢ଼ ସମର୍ଥନକୁ ଶ୍ରେୟ ଦେଇଥିଲେ। “ସିଏମ୍ ରେବନ୍ତ ରେଡ୍ଡୀ ସର୍ବଦା ମୋର ବଡ଼ ସମର୍ଥକ ହୋଇଆସିଛନ୍ତି ବୋଲି ଆଝାରୁଦ୍ଦିନ୍ ଗଣମାଧ୍ୟମକୁ କହିଥିଲେ।” ସେ ତାଙ୍କ ରାଜନୈତିକ କ୍ୟାରିୟରକୁ ତାଙ୍କର ପ୍ରସିଦ୍ଧ କ୍ରିକେଟ୍ କ୍ୟାରିୟର ସହିତ ଯୋଡ଼ିଥିଲେ। ଏବଂ ଏହା ଏକ ସଂଯୋଗ ବୋଲି କହିଥିଲେ। ସେ କହିଥିଲେ ଯେ, “ମୋର କ୍ରିକେଟ୍ ଡେବ୍ୟୁ ଡିସେମ୍ବର 31 ତାରିଖରେ ହୋଇଥିଲା, ଏବଂ ଆଜି ଅକ୍ଟୋବର 31। ଏହା ଏପରି ଅନୁଭବ ହେଉଛି “ଯେପରି ଭାଗ୍ୟ ମୋ ସହିତ ପୁଣିଥରେ ଅଛି।”
