ଦେଶବ୍ୟାପୀ ଆଜି ଦେଖାଯାଇଛି ସୂର୍ଯ୍ୟପରାଗ । ଏହି ବିରଳ ଦୃଶ୍ୟକୁ ଦେଶର ବିଭିନ୍ନ ସ୍ଥାନରେ ଲୋକମାନେ ଦେଖିଛନ୍ତି । ଅନ୍ୟ ଦେଶବାସୀଙ୍କ ଭଳି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ସୂର୍ଯ୍ୟପରାଗ ଦେଖିଛନ୍ତି । ସେହି ସମୟର ଫଟୋ ଟୁଇଟ୍ କରିଛନ୍ତି ନିଜେ ମୋଦି । ଫଟୋରେ ଦେଖିବାକୁ ମିଳିଛି ମୋଦି କୌଣସି ବିଶେଷଗ୍ୟଙ୍କ ସହ କଥା ହେଉଛନ୍ତି । ଏହା ବ୍ୟତିତ ମୋଦି ପରାଗ ଦେଖିବା ପାଇଁ ସ୍ୱତନ୍ତ୍ର ଚଷମା ଧରିଥିବା ଦେଖିବାକୁ ମିଳିଛି । ତେବେ ଦିଲ୍ଲୀରେ ମେଘୁଆ ପାଗଥିବା ଯୋଗୁ ପରାଗକୁ ଦେଖିପାରିନାହାଁନ୍ତି ମୋଦି । ମୋଦି ଟୁଇଟ କରି ଲେଖିଛନ୍ତି । ଅନ୍ୟ ଭାରତୀୟଙ୍କ ଭଳି ସେ ବି ସୂର୍ଯ୍ୟପରାଗ ଦେଖିବା ପାଇଁ ଉତ୍ସାହିତ ଥିଲେ । ତେବେ ଆକାଶରେ ବାଦଲ ଛାଇ ଯାଇଥିବାରୁ ସେ ଏହାକୁ ଦେଖିପାରିନଥିବା ସୁଚନା ଦେଇଛନ୍ତି । କିନ୍ତୁ ସେ ଲାଇଫ ଷ୍ଟ୍ରିମ୍ ମାଧ୍ୟମରେ କୋଚି ରେ ଦେଖାଦେଇଥିବା ସୂର୍ଯ୍ୟପରାଗ ଦେଖିଛନ୍ତି ବୋଲି ଲେଖିଛନ୍ତି ।
