ବୁଧବାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାଲେଶ୍ୱର ଗସ୍ତ କରୁଛନ୍ତି. ନବୀନଙ୍କ ଗସ୍ତ ନେଇ ବାଲେଶ୍ୱରରେ ସୁରକ୍ଷା ବ୍ୟବସ୍ଥା କଡା କଡି କରାଯାଇଛି. ତେବେ ମଧ୍ୟାହ୍ନରେ ବାଲେଶ୍ୱରରେ ପହଞ୍ଚିବା ପରେ ଭୋଗରାଇର ତାଳସାରୀ ବେଳାଭୂମି ମହୋତ୍ସବକୁ ଉଦଘାଟନ କରିବେ ମୁଖ୍ୟମନ୍ତ୍ରୀ. ପରେ ସେଠାରେ ପ୍ରାୟ 150 କୋଟି ଟଙ୍କା ପ୍ରକଳ୍ପର ଶିଳନ୍ୟାସ କରିବାର କାର୍ଯ୍ୟକ୍ରମ ରହିଛି. ଏହାପରେ ଅପରାହ୍ନରେ ବାଲେଶ୍ୱରରେ ବିଜୁ ଯୁବ ବାହିନୀ ସମାବେଶରେ ଯୋଗ ଦେବେ ମୁଖ୍ୟମନ୍ତ୍ରୀ, ଯେଉଁଥିରେ ବାଲେଶ୍ୱର, ଭଦ୍ରକ, ମୟୁରଭଞ୍ଜ, ଯାଜପୁର ଜିଲ୍ଲାରୁ ହଜାର ହଜାର ଯୁବକ ଯୁବତୀ ଯୋଗ ଦେବେ. ଅନ୍ୟପଟେ ସୁବର୍ଣ୍ଣରେଖା ବନ୍ଦର ପାଇଁ ମୁଖ୍ୟମନ୍ତ୍ରୀ ଭିତ୍ତିପ୍ରସ୍ତର ସ୍ଥାପନ କରିବାର କାର୍ଯ୍ୟକ୍ରମ ମଧ୍ୟ ରହିଛି. ମୁଖ୍ୟମନ୍ତ୍ରୀଙ୍କ ଗସ୍ତ ନେଇ ବାଲେଶ୍ୱରବାସୀ ଖୁସି ଥିବା ଜଣାପଡିଛି.
