ଆରମ୍ଭ ହେବାକୁ ଯାୁଛି ୨୦୨୦ ଆଇପିଏଲ । ପଡିଆ ପ୍ରସ୍ତୁତ ପ୍ଲେୟାର ବି ପ୍ରସ୍ତୁତ । କେବଳ ମ୍ୟାଚକୁ ଅପେକ୍ଷା । ବିଶ୍ୱର ସବୁଠୁ ଲୋକପ୍ରିୟ କ୍ରିକେଟ ପ୍ରତିଯୋଗିତା ଆଇପିଏଲର ୧୩ ତମ ସଂସ୍କରଣ ଆଜିଠୁ ୟୁଆଇରେ ଖେଳାଯିବ । କରୋନା ମହାମାରୀ ଯୋଗୁଁ ଦୀର୍ଘ ୫ ମାସ ପରେ ଭାରତ ବଦଳରେ ୟୁଏଇରେ ଆରମ୍ଭ ହେବାକୁ ଯାଉଛି ଆଇପିଏଲ । ଆଜିର ମ୍ୟାଚ ଆବୁଧାବି ଷ୍ଟାଡିୟମରେ ଖେଳାଯିବାକୁ ଥିବାବେଳେ ଚିର ପ୍ରତିଦ୍ୱନ୍ଦୀ ଚେନ୍ନାଇ ସୁପରକିଙ୍ଗ୍ ଓ ଏବଂ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ମଧ୍ୟରେ କଡା ମୁକାବିଲା ଦେଖିବାକୁ ମିଳିବ । ଯେଉଁ ମ୍ୟାଚ ପାଇଁ ସମସ୍ତଙ୍କ ମଧ୍ୟରେ ଉତ୍କଣ୍ଠା ଭରି ରହିଛି । ଏହି ଦୁଇ ଦଳ ଆଇପିଏଲର ସବୁଠୁ ସଫଳ ଦଳ । ମୁମ୍ବାଇ ଇଣ୍ଡିଆନ୍ସ ସର୍ବାଧିକ ୪ଥର ଆଇପିଏଲ ଟାଇଟେଲ ହାତେଇ ଥିବାବେଳେ ଚେନ୍ନାଇ ୩ ଥର ଚାମ୍ପିୟନ ହୋଇସାରିଛି । ଆଜିର ମ୍ୟାଚ ପାଇଁ ଦୁଇ ଦଳ ନିଜ ନିଜ ସ୍ୱତନ୍ତ୍ର ରଣକୌଶଳ ସହ ପଡିଆକୁ ଓହ୍ଲାଇବେ । ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଅଧିନାୟକ ରୋହିତ ଶର୍ମା ଓପନ କରିପାରନ୍ତି । ସେପଟେ ଆଜିର ମ୍ୟାଚର ସମସ୍ତଙ୍କ ନଜରରେ ରହିବେ ଚେନ୍ନାଇ ସୁପରକିଙ୍ଗସର ଅଧିନାୟକ ମହେନ୍ଦ୍ର ସିଂ ଧୋନୀ । ନିକଟରେ ଧୋନି ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିସାରିଛନ୍ତି । କିନ୍ତୁ ସେ ଆଇପିଏଲ ଖେଳ ଜାରି ରଖିବେ ।
