କାଫେ କଫି ଡେ ର ସଞ୍ଚାଳନ କରୁଥିବା କମ୍ପାନୀ କଫି ଡେ ଏଣ୍ଟରପ୍ରାଇଜେସ୍ ତାର ନୂତନ ଅନ୍ତରୀଣ ଅଧ୍ୟକ୍ଷ ଚୟନ କରିଛି । ଏସ୍ ଭି ରଙ୍ଗନାଥ କାଫେ କଫି ଡେ ର ନୂତନ ଅନ୍ତରୀଣ ଅଧ୍ୟକ୍ଷ ହୋଇଛନ୍ତି । କାଫେ କଫି ଡେ ର ପ୍ରତିଷ୍ଠାତା ତଥା କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏସ୍ ଏମ୍ କ୍ରୀଷ୍ଣାଙ୍କ ଜ୍ୱାଇଁ ଭିଜି ସିଦ୍ଧାର୍ଥଙ୍କ ଆତ୍ମହତ୍ୟା ପରେ ଆଜି କଫି ଡେ ଏଣ୍ଟରପ୍ରାଇଜେସ୍ ତାର ସ୍ଥାୟୀ ଅଧ୍ୟକ୍ଷ ଚୟନ କରିବା ପୂର୍ବରୁ ଏସ୍ ଭି ରଙ୍ଗନାଥଙ୍କୁ ସଂସ୍ଥାର ଅନ୍ତରୀଣ ଅଧ୍ୟକ୍ଷ ଚୟନ କରିଛି । ଏଠାରେ ସୂଚନାଯୋଗ୍ୟ କାଫେ କଫି ଡେ ର ପ୍ରତିଷ୍ଠାତା ଭିଜି ସିଦ୍ଧାର୍ଥ ସୋମବାର ରାତିରୁ ନିଖୋଜ ହୋଇଯାଇଥିଲେ । ଆଜି ନେତ୍ରବତୀ ନଦୀ କୂଳରୁ ସିଦ୍ଧାର୍ଥଙ୍କ ମୃତ ଦେହ ଉଦ୍ଧାର କରାଯାଇଛିି । ସିଦ୍ଧାର୍ଥଙ୍କ ଘରୁ ମିଳିଥିବା ସିଦ୍ଧାର୍ଥଙ୍କ ହାତ ଲେଖା ଚିଠିରୁ ଯାହା ସ୍ପଷ୍ଟ ହୋଇଛି ଋଣବୋଝରେ କବଳିତ ହୋଇ ସିଦ୍ଧାର୍ଥ ଆତ୍ମହତ୍ୟା କରିଛନ୍ତି ।
