ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କୁ ମିଳିଛି ସର୍ତ୍ତମୂଳକ ଜାମିନ । ସର୍ତ୍ତମୂଳକ ଜାମିନ ପ୍ରଦାନ କରିଛନ୍ତି ବମ୍ବେ ହାଇକୋର୍ଟ । ୧ ଲକ୍ଷ ଟଙ୍କା ଓ ପାସପୋର୍ଟ ଡିପୋଜିଟ୍ କରିବାକୁ ନିର୍ଦ୍ଦେଶ ମଧ୍ୟ ଦେଇଛନ୍ତି । ଏଥିସହିତ ମୁମ୍ବାଇ ବାହାରକୁ ରିୟା ଯାଇପାରିବେନି ଯଦି ବାହାରକୁ ଯିବାକୁ ଚାହିଁବେ ତେବେ ଅନୁମତି ନେବେ ବୋଲି ହାଇକୋର୍ଟ କହିଛନ୍ତି । ୨୮ଦିନ ବିଚାର ବିଭାଗୀୟ ହାଜତରେ ରହିବା ପରେ ଆଜି ରିୟାଙ୍କୁ ଜାମିନ ମିଳିଛି । ଡ୍ରଗସ ଲିଙ୍କ୍ ମାମଲାରେ ରିୟାଙ୍କୁ ଗିରଫ କରିଥିଲା ଏନସିବି । ରିୟାଙ୍କ ଭାଇ ସୌଭିକଙ୍କ ଜାମିନ ଆବେଦନ ଖାରଜ ହୋଇଛି । ସାମୁଏଲ ମିରଣ୍ଡା ଓ ଦୀପେଶ ସାୱନ୍ତଙ୍କୁ ମଧ୍ୟ ମିଳିଛି ଜାମିନ । ଡ୍ରଗସ ମାମଲାରେ ଗିରଫ ଅବଦୁଲ ବାସିଦଙ୍କ ଜାମିନ ନାମଞ୍ଜୁର । ସୁଶାନ୍ତ ସିଂ ମୃତ୍ୟୁ ମାମଲାରେ ଡ୍ରଗସ ଲିଙ୍କ୍ ନେଇ ଛନ୍ଦି ହୋଇଥିଲେ ଏମାନେ । ଏବେ ସୁଶାନ୍ତ ମୃତ୍ୟୁ ମାମଲାର ତଦନ୍ତ କରୁଛି ସିବିଆଇ ।
