ନିଶା ମଣିଷକୁ ଅମଣିଷ କରିଦିଏ. କେବଳ ନିଶା କରୁଥିବା ବ୍ୟକ୍ତି ନିଜକୁ ନୁହେଁ ନିଜ ପରିବାରକୁ ମଧ୍ୟ ଦୁର୍ଦ୍ଦଶା ଆଡ଼କୁ ଟାଣି ନିଏ . ନିଶାସକ୍ତ ମଣିଷ ନିଜର ହିତାହିତ ଜ୍ଞାନ ହରାଇ ବସେ. ଏମିତି କିଛି ଘଟଣା ଦେଖିବାକୁ ମିଳିଥିଲା ତେଲେଙ୍ଗାନାର ମହବୁବାବାଦର କେଶମୁଦ୍ରମରେ. ଜଣେ ନିଶାସକ୍ତ ଯୁବକ ନିଶାରେ ଟୁଲ ହୋଇ ଏକ ଜୀବନ୍ତ କୁକୁଡ଼ା ଖାଇଯାଇଥିଲା. ଯୁବକ ଜଣକ ଏଭଳି କାଣ୍ଡ ଭିଆଉଥିବା ବେଳେ ସେହି ରାସ୍ତା ଦେଇ ଯାଉଥିବା ଜଣେ ବ୍ୟକ୍ତି ଏହାକୁ ରେକର୍ଡ କରିଥିଲେ. ଆଉ ଏହି ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି.
ପଶୁପକ୍ଷୀଙ୍କ ପ୍ରତି ହେଉଥିବା ଏଭଳି ନୃଶଂସତାକୁ ରୋକିବା ପାଇଁ ଗଠିତ ହୋଇଥିବା ଏକ ଟିମ୍ ଏହି ଯୁବକକୁ ଖୋଜିବାରେ ଲାଗିପଡିଛି.
