ହାତୀର ଗଳିତ ଶବ ଉଦ୍ଧାର

ବାଲେଶ୍ୱର ଜିଲ୍ଲା କୁଲଡିହା ଅଭୟାରଣ୍ୟରେ ଦୁଇଟି ମାଈ ହାତୀର ଗଳିତ ଶବ ଉଦ୍ଧାର କରିଛି କୁଲଡିହା ବନ ବିଭାଗ. ଗତକାଲି ହାତୀ ଦୁଇଟି ମରିପଡିଥିବା ଖବର ପାଇଥିଲା ବନ ବିଭାଗ. ପରେ ବୁଧବାର ସକାଳୁ ଘଟଣାସ୍ଥଳରେ ପହଞ୍ଚି ହାତୀର ପୋଷ୍ଟମଟର୍ମ କରିଥିଲେ ଏବଂ ମାଟିର ନମୁନା ସଂଗ୍ରହ ମଧ୍ୟ କରାଯାଇଥିଲା. ମାତ୍ର ହାତୀର ମୃତ୍ୟୁକୁ ପ୍ରାୟ 10ରୁ 12 ଦିନ ହୋଇଯାଇଥିବାରୁ ତାର ମୃତ୍ୟୁ କିପରି ହୋଇଥିଲା, ତାହା ସ୍ପଷ୍ଟ ହୋଇପାରିବ ନାହିଁ ବୋଲି ସ୍ପଷ୍ଟ କରିଛନ୍ତି ପ୍ରାଣୀ ଚିକିତ୍ସା ଅଧିକାରୀ. ଅନ୍ୟପଟେ ଆନ୍ଥ୍ରାକ୍ସ ରୋଗରେ ପୀଡିତ ହୋଇ ହାତୀ ଦୁଇଟିର ମୃତ୍ୟୁ ହୋଇଥିବା ଅନୁମାନ କରୁଛି ବନ ବିଭାଗ.