ଗିରଫ ହେଲେ ବିଧାୟକ ପ୍ରଦୀପ ମହାରଥୀ । ମହାରଥୀଙ୍କୁ ଗିରଫ କଲା ପିପିଲି ପୋଲିସ । ମହାରଥୀଙ୍କୁ ଥାନାଙ୍କୁ ଆଣି ପଚରାଉଚରା କରୁଛି ପୋଲିସ । ଫାର୍ମ ହାଉସରେ ଏସଏସଟି ଟିମ ଓ ମାଜିଷ୍ଟ୍ରେଟଙ୍କୁ ମାଡ ମାରିବା ମାମଲାରେ ପଚରାଉଚରା କରୁଛି ପୋଲିସ । ଗତକଲି ରାତିରେ ଚଢାଉ ବେଳେ ଟିମ ଉପରେ ଆକ୍ରମଣ ହୋଇଥିଲା । ଏଥିରେ ମହାରଥୀଙ୍କ ହାତ ଥିବା ଅଭିଯୋଗ ହୋଇଥିଲା । ମହାରାଥୀଙ୍କ ବିରୋଧରେ ବହୁ ସଙ୍ଗୀନ ଦଫା ଲଗାଇଛି ପୋଲିସ । ପୋଲିସ ମହାରଥୀଙ୍କ ବିରୋଧରେ ଦଫା-୩୦୭,୩୫୩,୩୪୧,୩୩୨,୧୪୭,୧୪୯, ୧୭୧(ବି),୧୮୬ ଏବଂ ଲୋକ ପ୍ରତିନିଧି ଆଇନ ୧୨୩ ଦଫା ଲାଗିଛି ।
