ଜଳଖିଆ ଦୋକାନରେ ଅଗ୍ନିକାଣ୍ଡ । ରାୟଗଡା ସହରର ଫାୟାରଷ୍ଟେସନ ଛକ ନିକଟରେ ଥିବା ଏକ ଜଳଖିଆ ଦୋକାନରେ ଅଗ୍ନିକାଣ୍ଡ ଘଟି ବହୁ ଆସବାପତ୍ର ନଷ୍ଟ ହୋଇଯାଇଛି । ସକାଳ ୫ଟାରେ ଦୋକାନ ଖୋଲାଥିବା ବେଳେ ଗ୍ୟାସ୍ ଷ୍ଟୋଭ୍ ରୁ ହଠାତ୍ ନିଆଁ ଲାଗିଯାଇଥିଲା । କିଛି ସମୟ ଭିତରେ ନିଆଁ ଚାରିଆଡେ ବ୍ୟାପି ଯିବା ସହ କାଠ ଓ ଟିଣରେ ନିର୍ମିତ ଦେକାନରେ ନିଆଁ ଲାଗି ଯାଇଥିଲା । ତେବେ ଅଗ୍ନିକାଣ୍ଡରେ କେହି ଆହତ ହୋଇନଥିବା ଜଣାପଡିଛି । ଘଟଣାସ୍ଥଳରେ ଅଗ୍ନିଶମ ବିଭାଗର କର୍ମଚାରୀମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ।
