ଦ୍ୱାଦଶ ବିଶ୍ୱକପରେ ଭାରତ ଆଜି ପଞ୍ଚ ମୁକାବିଲା ଖେଳୁଛି ଆଫଗାନିସ୍ତାନ ବିପକ୍ଷରେ । ଟସ୍ ଜିତି ଭାରତ ବ୍ୟାଟିଂ କରିବାର ନିଷ୍ପତି ନେଇଛି । ଟିମ୍ ଇଣ୍ଡିଆ ଆଜିର ମ୍ୟାଚରେ ଆହତ ଭୁବନେଶ୍ୱର କୁମାରଙ୍କ ବଦଳରେ ମହମ୍ମଦ ଶାମିଙ୍କୁ ଦଳରେ ସାମିଲ କରଛି । ବିଜୟ ଶଙ୍କର ଦଳରୁ ବାଦ ପଡିଛନ୍ତି । ଆଜିର ମ୍ୟାଚରେ ୟଶପ୍ରୀତ ବୁମ୍ରା ଓ ମହମ୍ମଦ ଶାମି ଟିମ୍ ଇଣ୍ଡିଆର ବୋଲିଂ ନେତୃତ୍ୱ ନେବେ । ଚଳିତ ବିଶ୍ୱକପରେ ଆହତ ସମସ୍ୟା ଟିମ୍ ଇଣ୍ଡିଆ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି ା ଟିମ୍ ଇଣ୍ଡିଆର ଓପନର ଶିଖର ଧାୱନ ଆହତ ହୋଇ ବିଶ୍ୱକପରୁ ବାଦ ପଡିଥିବା ବେଳେ ଭୁବନେଶ୍ୱର କୁମାର ଆହତ ହୋଇ ତିନୋଟି ମ୍ୟାଚରୁ ବାଦ ପଡିଛନ୍ତି । ଅଲରାଉଣ୍ଡର ବିଜୟ ଶଙ୍କର ଅଭ୍ୟାସ ବେଳେ ଆହତ ହୋଇଛନ୍ତି ।
