ବିଧାୟକଙ୍କ ବଲିଉଡର ରାଣାଜୀ ରୂପ

ହାତରେ ପିସ୍ତଲ ପାଟିରେ ବନ୍ଧୁକ । ଫିଲ୍ମ ଗିତରେ ଜୋରଦାର ଠୁମକା । ସହଯୋଗୀଙ୍କ ଗହଣରେ ଦୁଇ ହାତରେ ପିସ୍ତଲ ଏବଂ ବନ୍ଧୁକ ଧରି ନାଚରେ ପୁରା ମସଗୁଲ । ହେଇ ଦେଖନ୍ତୁ ପୁରା ବିନ୍ଦାସରେ ନାଚୁଛନ୍ତି । ଆପଣଙ୍କୁ ଆମେ କହି ରଖୁଛୁ ଏହି ବ୍ୟକ୍ତି ଜଣକ ହେଉଛନ୍ତି ଜଣେ ନିର୍ବାଚିତ ଜନ ପ୍ରତିନିଧି ବିଧାୟକ । ବିଧାୟକଙ୍କ ଏହି ମସ୍ତିଭରା ଡ୍ୟାନ୍ସର ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲୁଛି । ଆପଣ ଭାବୁଥିବେ କେଉଁ ରାଜ୍ୟର ଏ ବିନ୍ଦାସ ବିଧାୟକ । ଆଗ୍ୟା ଏ ହେଉଛନ୍ତି ଉତ୍ତାଖଣ୍ଡର ଖାନପୁରର ବିଧାୟକ ପ୍ରଣବ ସିଂ ଚାମ୍ପିୟାନ । ତିନିମାସ ତଳେ ଉତ୍ତରା ଖଣ୍ଡର ଏକ ବାର ଭିତରେ ଡ୍ୟାନ୍ସ କରି ବିବାଦ ଘେରକୁ ଆସିଥିଲେ ପ୍ରଣବ । ଆଉ ସେତେବେଳେ ତାଙ୍କୁ ଦଳରୁ ନିଲମ୍ବନ କରିଥିଲା ବିଜେପି । ଆଉ ଏବେ ପୁଣିଥରେ ନିଜ ପାଇଁ ଆଉ ଏକ ବିବାଦକୁ ଡାକି ଆଣିଛନ୍ତି ନିଲମ୍ବିତ ବିଧାୟକ ପ୍ରଣବ ସିଂ । ହୋଟେଲ ଭିତରେ ନିଶାରେ ଚୁର ହୋଇ ଝୁମୁଛନ୍ତି । ନିଲମ୍ବିତ ବିଧାୟକଙ୍କ ଏ ବିବାଦୀୟ ଭିଡିଓକୁ ନେଇ ଏବେ ସୋସିଆଲ ମିଡିଆରେ ଚର୍ଚ୍ଚା ।