ପିପିଲି ପଟ୍ଟନାଇକିଆ ଛକରେ ଗତ ରବିବାର ଘଟିଥିବା ଟ୍ରିପଲ ମର୍ଡର ଘଟଣା ସାରା ରାଜ୍ୟରେ ଚାଞ୍ଚଲ୍ୟ ଖେଳାଇଦେଇଥିଲା । ବିଚ୍ ରାସ୍ତାରେ ତିନି ଭାଇଙ୍କୁ ଗୋଡାଇ ଗୋଡାଇ ହାଣିଲେ ହତ୍ୟାକରୀ । ଦିନ ଦ୍ୱିପହରେ ଗୋଟିଏ ପରିବାରର ୩ ଭାଇଙ୍କୁ ବର୍ବୋରଚିତ ଭାବେ ହତ୍ୟା ସମଗ୍ର ଅଞ୍ଚଳରେ ଭୟରବାତାବରଣ ଖେଳାଇ ଦେଇଥିଲା । ପୋଲିସ୍ ଚେକ ପୋଷ୍ଟ ସାମ୍ନାରେ ଏଭଳି ହତ୍ୟାକାଣ୍ଡ ପରେ ପୋଲିସର ପରିବାପଣିଆ ନେଇ ପ୍ରଶ୍ନ ଉଠିଥିଲା । ଘଟଣାର ତିନିଦିନ ପରେ ପୋଲିସକୁ ମିଳିଛି ସଫଳତା । ହତ୍ୟାକାଣ୍ଡର ମାଷ୍ଟରମାଇଣ୍ଡ ସହ ୬ ଜଣଙ୍କୁ ଗିରଫ କରିଛି ପୋଲିସ । ଗତକାଲି ପୋଲିସ ହତ୍ୟାକାଣ୍ଡରେ ବ୍ୟବହୃତ ମାରଣାସ୍ତ୍ର ସହ ୪ ଜଣଙ୍କୁ ଜଣଙ୍କୁ ଅଟକ ରଖିଥିଲା । ଅଟକ ୪ଅଭିଯୁକ୍ତଙ୍କୁ ମାରାଥନ ଜେରା ପରେ ପୋଲିସ ହତ୍ୟାକାଣ୍ଡର ମାଷ୍ଟରମାଇଣ୍ଡ ବିଷୟରେ ସୁରାକ ପାଇଥିଲା ଏବଂ ଆଜି ଗିରଫ କରିଥିଲା । ଗିରଫ ନେଇ ପୋଲିସ ଡିଜି ରାଜେନ୍ଦ୍ର ପ୍ରସାଦ ଶର୍ମା ସୂଚନା ଦେଇଛନ୍ତି । ଗତ ରବିବାର ପୂର୍ବ ଶତ୍ରୁତାକୁ କେନ୍ଦ୍ର କରି ପିପିଲି ପଟ୍ଟନାଇକିଆ ଛକରେ ଘଟିଥିଲା ଲୋମହର୍ଷଣକ।ରୀ ହତ୍ୟାକାଣ୍ଡ । ଟାଙ୍ଗିଆ ଓ ପାର୍ସାରେ ମଝି ରାସ୍ତାରେ ୩ ଜଣଙ୍କୁ ଗୋଡେଇ ଗୋଡେଇ ହାଣିଥିଲେ ଦୁର୍ବୁତ୍ତ । ହତ୍ୟାକାଣ୍ଡ ପରେ ଫେରାର ହୋଇଯାଇଥିଲେ ଦୁର୍ବୁତ୍ତ ପରେ ଉତ୍ତ୍ୟକ୍ତ ଲୋକେ ଘଟଣାସ୍ଥଳରେ ଆନ୍ଦୋଳନ କରିଥିଲେ । ନିଆଁ ଜାଳି ରାଜପଥ ଅବରୋଧ କରିଥିଲେ ।
