ସଉକ୍ ନା ଚର୍ଚ୍ଚିତ ହେବା ପାଇଁ ଏମିତି କାମ

କାହିଁକି ବାରମ୍ବାର ବିବାଦ ଘେରକୁ ଆସୁଛନ୍ତି ହାସ୍ୟ ଅଭିନେତା ପପୁ ପମ୍ ପମ୍ ।ଏହା ତାଙ୍କର ସଉକ୍ ନାଁ ନିଜକୁ ଚର୍ଚ୍ଚିତ କରିବା ପାଇଁ ଏଭଳି କାମ କରୁଛନ୍ତି ପପୁ ।ନିକଟରେ ପପୁଙ୍କ ଅପକମିଂ ଫିଲ୍ମ ମିଷ୍ଟର କହ୍ନେୟା ପୋଷ୍ଟରକୁ ନେଇ ବିବାଦ ଦେଖାଦେଇଥିଲା ।ସେ ଚର୍ଚ୍ଚା ନଥମୁଣୁ ପୁଣି ଥରେ ବିବାଦ ଘେରକୁ ଚାଲିଆସିଛନ୍ତି ରଙ୍ଗିଲା ଟୋକା ପପୁ ପମ୍ ପମ୍ ।ରେଳ ଷ୍ଟେସନରେ ଗୀତଗାଇ ବଲିଉଡରେ ଏଣ୍ଟ୍ରି କରିଥିବା ରାନୁଙ୍କ ଭଳି ଜଣେ ଅସାଧାରଣ ପ୍ରତିଭାଙ୍କୁ କପିକରି ବିବାଦକୁ ଆସିଛନ୍ତି ପପୁ ।ହିମେଶ ରେସମିୟାଙ୍କ ସହିତ ଅପକମିଂ ମୁଭିର ଷ୍ଟୁଡିଓ ଭର୍ସନ ଗୀତରେ ନଜରକୁ ଆସୁଥିବା ରାନୁଙ୍କୁ ପପୁ କପି କରିଥିବା ଏକ ଭିଡିଓ ସାମ୍ନାକୁ ଆସିଛି । ଯାହା ସୋସିଆଲ ମିଡିଆରେ ଭାଇରାଲ ହେବାସହ ବିବାଦ ଦେଖାଦେଇଛି ।କିଏ ଏହାକୁ ନିନ୍ଦା କରୁଛନ୍ତି ତ ଆଉ କିଏ ପପୁଙ୍କ ବିରୋଧରେ ବିଷ ଉଦଗାରୁଛି । ରାନୁଙ୍କୁ କପି କରିବା ପପୁଙ୍କୁ ସୋଭା ପାଉନାହିଁବୋଲି ସୋସିଆଲ ମିଡିଆରେ ମତ ପ୍ରକାଶ ପାଇଛି ।