ଅପରାଧିକ ସାମ୍ରାଜ୍ୟ ବିସ୍ତାର ପାଇଁ ସାହାଯ୍ୟ କରୁଥିଲେ ଦି ଦି ଜଣ ଗାର୍ଲଫ୍ରେଣ୍ଡ I ଖାଲି ପ୍ରେମ କି ରୋମାନ୍ସ ନୁହେଁ, ପ୍ରେମିକର ନେଟଓାର୍କ ପାଇଁ କାମ କରୁଥିଲେ ଗାର୍ଲଫ୍ରେଣ୍ଡ I କଟକର କୁଖ୍ୟାତ ଗାଙ୍ଗଷ୍ଟର ମହମ୍ମଦ ସକିଲ ଚୌଦ୍ବାର ଜେଲରେ ଥାଇ ବି ଗାର୍ଲଫ୍ରେଣ୍ଡଙ୍କ ଜରିଆରେ ଚଳାଇଥିଲା ତାର ସାମ୍ରାଜ୍ୟ I ଗତ 14 ତାରିଖରେ ବକ୍ସିବଜାର ଅଂଚଳର ଜଣେ ବ୍ୟବସାୟୀଙ୍କଠୁ ଦାଦାବଟି ଆଦାୟ କରିବା ଅଭିଯୋଗରେ ପୋଲିସ ଆରମ୍ଭ କରିଥିଲା ଖୋଳତାଡ I ଜେଲରୁ ଥାଇ ମୋବାଇଲରେ ଧମକ ଦେଉଥିବା ସକିଲର ନେଟଓାର୍କ ଖୋଲିବା ପାଇଁ ପୋଲିସକୁ ସାହାଯ୍ୟ କରିଥିଲା ମୋବାଇଲ ଟ୍ରାକିଂ I ପୋଲିସ ଜାଣିବାକୁ ପାଇଥିଲା, ସକିଲ ତାର ଗାର୍ଲଫ୍ରେଣ୍ଡ ସହ ଯୋଗାଯୋଗରେ ରହି ବଟି ଆଦାୟ କରୁଛି I ଗତ 2 ତାରିଖରେ ଚୌଦ୍ବାର ଅଂଚଳରୁ ସକିଲର ପ୍ରେମିକା ନସରିନକୁ ଗିରଫ କରିଥିଲା I ନସରିନ ହିଁ ଥିଲା ସକିଲର ମୁଖ୍ୟ ଅପରେଟର I ଖାଲି ଚାନ୍ଦା ଆଦାୟ ନୁହେଁ, ବନ୍ଧୁକ ଡିଲ୍ ବି କରୁଥିଲା ନସରିନ୍ I ନସରିନ ପରେ ସକିଲର ଦ୍ବିତୀୟ ଗାର୍ଲଫ୍ରେଣ୍ଡକୁ ବି ଗିରଫ କରିଛି ଦରଘାବଜାର ପୋଲିସ I
