କରୋନା ଭାଇରସକୁ ନେଇ ସମଗ୍ର ବିଶ୍ୱ ଏବେ ଚିନ୍ତାରେ । କରୋନା ପାଇଁ ସବୁଠି ଲକ୍ ଡାଉନ୍ । ଏବେ ସବୁଠୁ ହନ୍ତସନ୍ତ ହେଉଛନ୍ତି ଫସିଯାଇଥିବା ପ୍ରବାସୀ । ନିଜ ଭିଟାମାଟିକୁ ଫେରିବା ପାଇଁ ସେମାନେ ଜୋରଦାର ପ୍ରୟାସ ଚଳାଇଛନ୍ତି । କିଏ ଚାଲି ଚାଲି ମାଇଲ ମାଇଲ ବାଟ ପଳାଇ ଆସୁଛି ତ ଆଉ କିଏ ସାଇକେଲରେ ଆସୁଛି । ଯିଏ ଯେମିତି ଉପାୟ ପାଉଛି ସେମିତି ନିଜ ଭିଟାମାଟିକୁ ଫେରୁଛନ୍ତି । ତେବେ ଏହା ଭିତରେ ସାମ୍ନାକୁ ଆସିଛି ଏହି ଫଟୋ । ଜଣେ ବାପା କେମିତି ତା କୁନି ପୁଅକୁ ଗୋଟିଏ ହାତରେ ଟେକି ଟ୍ରକ ଉପରକୁ ଚଢୁଛି । ଏ ଚିତ୍ର କେତେ ଭୟାନକ । ଟିକେ ଏପଟ ସେପଟେ ହେଇଗଲେ ଛୋଟ ଛୁଆର ଜୀବନ ପ୍ରତି ବିପଦ ମଧ୍ୟ ରହିଛି । ଛତିଶଗଡ ଏହି ଫଟୋ ଏବେ ଚର୍ଚ୍ଚାର ବିଷୟ ହୋଇଛି । ନିଜ ଶିଶୁକୁ ଧରି ମା, ବାପା ଓ ପୁଅ ଟ୍ରକକୁ ଚଢିବା ପାଇଁ ସଂଘର୍ଷ କରୁଛନ୍ତି । ତେଲେଙ୍ଗାନାରୁ ଆସୁଥିବା ଏକ ଟ୍ରକରେ ପ୍ରବାସୀମାନେ ଚଢି ଘରକୁ ଆସୁଥିବାର ନଜର ଆସିଛି ।
