ଉତ୍ତରପ୍ରଦେଶର ଏକ ବିଶ୍ୱବିଦ୍ୟାଳୟରେ ଜଣେ ବ୍ୟାଚଲର ଅଫ ଏଜୁକେଶନ ଛାତ୍ରଙ୍କ ଆଡମିଡ କାର୍ଡରେ ବଲିଉଡର ବିଗ୍ ବି ଅମିତାଭ ବଚ୍ଚନଙ୍କ ଫଟୋ ଲାଗିଛି । ସୁଚନାଯୋଗ୍ୟ, ଗୋଣ୍ଡା ଜିଲ୍ଲାର ରବିନ୍ଦ୍ର ସିଂ ସ୍ମାରକ ମହାବିଦ୍ୟାଳୟରେ ଅଧ୍ୟୟନ କରୁଥିବା ଅମିତ ଦ୍ୱିବେଦୀ ନାମକ ଜଣେ ଛାତ୍ର ବିଇଡି ଦ୍ୱିତୀୟ ବର୍ଷ ପରୀକ୍ଷା ପାଇଁ ଫର୍ମ ପୂରଣ କରିଥିଲେ । ଏବେ ତାଙ୍କ ଆଡମିଡ କାର୍ଡ ବିଶ୍ୱବିଦ୍ୟାଳୟ ପକ୍ଷରୁ ଇସୁ କରାଯାଇଥିବାବେଳେ ସେଥିରେ ଅମିତଙ୍କ ବଦଳରେ ବଲିଉଡ ଷ୍ଟାର ଅମିତାଭଙ୍କ ଫଟୋ ଲାଗିଛି । ଏହାକୁ ଦେଖି ସେ ମହାବିଦ୍ୟାଳୟ କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରିଛନ୍ତି । ଉକ୍ତ ମହାବିଦ୍ୟାଳୟର ଜଣେ ଅଧ୍ୟାପିକା କହିଛନ୍ତି ଯେ, ଅମିତ ଜଣେ ମେଧାବୀ ଛାତ୍ର ଓ କଲେଜର ତାଙ୍କର ଉପସ୍ଥାନ ଭଲ ହୋଇଥିବାବେଳେ ତାଙ୍କ ଆଡମିଡ କାର୍ଡରେ ଥିବା ଏମିତି ଭୂଲକୁ ସୁଧାରିବା ପାଇଁ ପ୍ରିନ୍ସପାଲଙ୍କ ଦୃଷ୍ଟି ଆକର୍ଷଣ କରାଯାଇଛି । କିନ୍ତୁ ଅମିତ କିମ୍ବା ଯେଉଁ ଇଣ୍ଟରନେଟ୍ କେଫରେ ସେ ଫର୍ମ ପୂରଣ କରିଛନ୍ତି ସେ ହୁଏତ ଭୂଲ ବଶତଃ ଅମିତାଭଙ୍କ ଫଟୋ ଅପଲୋଡ କରିଦେଇଥିବ ।
