ନ୍ୟୁୟର୍କରେ ଆୟୋଜିତ ଜାତିସଂଘ ସାଧାରଣ ପରିଷଦର ୮୦ତମ ଅଧିବେଶନ ସମୟରେ, ଭାରତର ବୈଦେଶିକ ମନ୍ତ୍ରୀ ଏସ. ଜୟଶଙ୍କର ଏବଂ ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓଙ୍କ ମଧ୍ୟରେ ବୈଠକ ହୋଇଛି। ଏଥିରେ ଦୁଇ ପକ୍ଷ ରଣନୈତିକ ସହଭାଗୀତାକୁ ଆଗକୁ ବଢ଼ାଇବା ବିଷୟରେ ଆଲୋଚନା କରିଥିଲେ। ଏହି ଆଲୋଚନାରେ ବାଣିଜ୍ୟ, ପ୍ରତିରକ୍ଷା, ଶକ୍ତି, ଔଷଧ ଏବଂ ଖଣିଜ ପଦାର୍ଥ ଭଳି କ୍ଷେତ୍ରକୁ ଅନ୍ତର୍ଭୁକ୍ତ କରାଯାଇଥିଲା। ସାମ୍ପ୍ରତିକ ବାଣିଜ୍ୟ ଉତ୍ତେଜନା ପରେ ଦ୍ୱିପାକ୍ଷିକ ସମ୍ପର୍କକୁ ଏକ ନୂତନ ଦିଗଦର୍ଶନ ଦେବାର ପ୍ରୟାସ ଭାବରେ ଏହି ବୈଠକକୁ ଦେଖାଯାଉଛି। ଆମେରିକା ବୈଦେଶିକ ବିଭାଗ ଦ୍ୱାରା ଜାରି ଏକ ବିବୃତ୍ତିରେ ମାର୍କୋ ରୁବିଓ କହିଛନ୍ତି ଯେ ଭାରତ ଆମେରିକା ପାଇଁ ବହୁତ ଗୁରୁତ୍ୱପୂର୍ଣ୍ଣ। ଆମେରିକାର ବୈଦେଶିକ ବିଭାଗ ଏକ ସରକାରୀ ବିବୃତ୍ତିରେ ଭାରତକୁ ଆମେରିକା ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବର୍ଣ୍ଣନା କରିଛି, କହିଛି ଯେ ଦୁଇ ଦେଶ ବାଣିଜ୍ୟ, ପ୍ରତିରକ୍ଷା ଏବଂ ଅନ୍ୟାନ୍ୟ କ୍ଷେତ୍ରରେ ସହଯୋଗକୁ ଆହୁରି ଗଭୀର କରିବା ପାଇଁ ପ୍ରତିବଦ୍ଧ। ସଚିବ ରୁବିଓ ଭାରତ ସରକାରଙ୍କ ସହିତ ଆମର ନିରନ୍ତର ସହଯୋଗକୁ ପ୍ରଶଂସା କରିଛନ୍ତି, ଏବଂ ଦୁଇ ଦେଶ ଏକ ମୁକ୍ତ ଏବଂ ଖୋଲା ଭାରତ-ପ୍ରଶାନ୍ତ ମହାସାଗରୀୟ କ୍ଷେତ୍ରକୁ ପ୍ରୋତ୍ସାହିତ କରିବା ପାଇଁ କ୍ୱାଡ୍ ଭଳି ପ୍ଲାଟଫର୍ମ ମାଧ୍ୟମରେ ଏକାଠି କାମ କରିବେ, ଏକ ବିବୃତ୍ତିରେ କୁହାଯାଇଛି। ଜୟଶଙ୍କର କହିଛନ୍ତି ଯେ ନ୍ୟୁୟର୍କରେ ମାର୍କୋ ରୁବିଓ ସହିତ ହୋଇଥିବା ବୈଠକ ଗଠନମୂଳକ ଥୂଲା। ସେ କହିଥିଲେ, “ଦୁଇଜଣ ମିଶି ଦ୍ବିପାକ୍ଷିକ ଓ ଅନ୍ତର୍ଜାତୀୟ ବିଷୟ ଉପରେ ଆଲୋଚନା କଲୁ। ପ୍ରାଥମିକତା କ୍ଷେତ୍ରରେ ଅଧିକ ପ୍ରଗତି ପାଇଁ ନିରନ୍ତର ସମ୍ପର୍କର ଆବଶ୍ୟକତାରେ ସହମତି ହୋଇଛି।”
