ଆମେରିକାରେ ଗତ ୩୧ ଦିନ ଧରି ସଟ୍ଡାଉନ୍ ଜାରି ରହିଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ତାଙ୍କ ରିପବ୍ଲିକାନ ପାର୍ଟିର ନେତାମାନଙ୍କୁ ଫାଇଲିବଷ୍ଟରକୁ ସମାପ୍ତ କରିବାକୁ ନିବେଦନ କରିଛନ୍ତି। ସେ କହିଛନ୍ତି ଯେ ଯଦି ବିରୋଧି ଦଳଙ୍କୁ ସୁଯୋଗ ମିଳେ ତେବେ ସେମାନେ ଏହାକୁ ନିଜ ଲାଭ ପାଇଁ ବ୍ୟବହାର କରିବେ। ଟ୍ରୁଥଆଉଟ୍ ପ୍ଲାଟଫର୍ମରେ ଏକ ପୋଷ୍ଟ ସେୟାର କରି ଡୋନାଲ୍ଡ ଟ୍ରମ୍ପ ଲେଖିଛନ୍ତି, ‘ମନେରଖନ୍ତୁ, ସ୍କୁମର ବନ୍ଦ ସତ୍ତ୍ୱେ, ଡେମୋକ୍ରାଟମାନେ ପ୍ରଥମ ସୁଯୋଗରେ ଫାଇଲିବଷ୍ଟରକୁ ସମାପ୍ତ କରିବେ। ସେମାନେ ସୁପ୍ରିମକୋର୍ଟକୁ ନିୟନ୍ତ୍ରଣ କରିବେ, ଦୁଇଟି ନୂତନ ରାଜ୍ୟ ଏବଂ ଆଠଟି ଇଲେକ୍ଟୋରାଲ ଭୋଟ ଯୋଡିବେ। ତେଣୁ ଦୁର୍ବଳ ଏବଂ ମୂର୍ଖ ହୁଅନ୍ତୁ ନାହିଁ। ଲଢ଼ନ୍ତୁ ଏବଂ ଜିତନ୍ତୁ।’ ଆଉ ଏକ ପୋଷ୍ଟ ସେୟାର କରି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ବିରୋଧି ଦଳ କେବଳ ଫାଇଲିବଷ୍ଟରକୁ ସମାପ୍ତ କରିବେ ନାହିଁ ବରଂ ସୁପ୍ରିମକୋର୍ଟକୁ ମଧ୍ୟ ନିୟନ୍ତ୍ରଣ କରିବେ। ସେମାନେ ଆମେରିକାରେ ଦୁଇଟି ନୂତନ ରାଜ୍ୟ ଏବଂ ଆଠଟି ଇଲେକ୍ଟୋରାଲ ଭୋଟ ମଧ୍ୟ ଯୋଡିବେ ।
ଫାଇଲିବଷ୍ଟର ହେଉଛି ଏକ ଆମେରିକୀୟ ସଂସଦୀୟ ପ୍ରକ୍ରିୟା, ଯେଉଁଠାରେ ସଂସଦର ଜଣେ ସଦସ୍ୟ ଗୋଟେ ବିଷୟରେ ଚର୍ଚ୍ଚାକୁ ଲମ୍ବା କରି ଦିଅନ୍ତି। ଏହା ଘଣ୍ଟା ନୁହେଁ, କେବେ କେବେ ଦିନ ଭରି ମଧ୍ୟ ଚାଲିପାରେ। ବିରୋଧୀ ଦଳଗୁଡ଼ିକ ଏହାକୁ ବିଲ୍ ପାସ୍ ହେବାକୁ ବାଧା ଦେବା କିମ୍ବା ଡେରି କରିବା ପାଇଁ ବ୍ୟବହାର କରନ୍ତି।ଫାଇଲିବଷ୍ଟର ଅଧୀନରେ ଦିଆଯାଇଥିବା ସବୁଠାରୁ ଲମ୍ବା ଭାଷଣ ଡେମୋକ୍ରାଟିକ୍ ପାର୍ଟି ସଦସ୍ୟ କୋରି ବୁକର ଦେଇଥିଲେ। ବୁକର ଏପ୍ରିଲ ୨୦୨୫ରେ ୨୫ ଘଣ୍ଟାର ଭାଷଣ ଦେଇଥିଲେ।ଟ୍ରମ୍ପଙ୍କ କାର୍ଯ୍ୟକାଳ ମଧ୍ୟରେ ପ୍ରଥମ ଥର ପାଇଁ ୩୧ ଦିନର ବନ୍ଦ ଲାଗୁ କରାଯାଇଛି। ସେଥିପାଇଁ ଟ୍ରମ୍ପ ଚିନ୍ତିତ ଅଛନ୍ତି ।
