‘କୌନ ବନେଗା କରୋଡପତି’ରେ ଆସିବେ ମୁଖ୍ୟମନ୍ତ୍ରୀ

ନଭେମ୍ବର ୨୮ରୁ ଡିସେମ୍ବର ୧୬ ତାରିଖ ପର୍ଯ୍ୟନ୍ତ କଳିଙ୍ଗ ଷ୍ଟାଡିୟମ୍‌ରେ ହକି ବିଶ୍ୱକପ୍‌ ଅନୁଷ୍ଠିତ ହେବାକୁ ଥିବା ବେଳେ ଓଡିଶା ସରକାର ଏଥିପାଇଁ ପ୍ରଚାର ଆରମ୍ଭ କରିଦେଇଛନ୍ତି. ତେବେ ଏହାର ପ୍ରଚାର  ପ୍ରଚାର ସୋନୀ ଚ୍ୟାନେଲରେ ପ୍ରସାରିତ ହେଉଥିବା ଲୋକପ୍ରିୟ ରିୟଲିଟି ଶୋ ‘କୌନ ବନେଗା କରୋଡପତି’ (କେବିସି)ରେ ଦେଖିବାକୁ ମିଳିବ. 12 ତାରିଖ  ରାତି ୯ଟାରେ ଏହି ଅଧ୍ୟାୟ ପ୍ରସାରିତ ହେବ, ଯେଉଁଥିରେ ନଜର ଆସିବେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ. ଏହି ଅଧ୍ୟାୟରେ ଭାରତୀୟ ହକି ଦଳର ବରିଷ୍ଠ ଖେଳାଳିମାନେ ହଟ୍‌ସିଟ୍‌ରେ ବସି ଥିବାର ଦେଖିବାକୁ ମିଳିବ। ବିଗ୍‌ ବି’ ହକି ବିଶ୍ୱକପ୍‌ ଲାଗି ଭାରତୀୟ ଦଳକୁ ଉତ୍ସାହିତ କରୁଛନ୍ତି। ମୁଖ୍ୟମନ୍ତ୍ରୀ ନବୀନଙ୍କ ଏହି ପ୍ରୟାସକୁ ସାଧାରଣରେ ପ୍ରଶଂସା କରାଯାଉଛି।                   ହକି ପ୍ରତି ଥିବା ଓଡ଼ିଶାବାସୀଙ୍କ ଭଲ ପାଇବାକୁ ଅମିତାଭ ବେଶ ପ୍ରଶଂସା କରିଛନ୍ତି। ଭାରତୀୟ ଦଳ ପୁଣି ଥରେ ଶ୍ରେଷ୍ଠ ୫ ଦଳରେ ସ୍ଥାନ ପାଇଛି ଓ ଏହା ପାଇଁ ଦେଶବାସୀ ଗର୍ବିତ ବୋଲି ଅମିତାଭ କହିଛନ୍ତି ।  ଏହି କାର୍ଯ୍ୟକ୍ରମର ଆଉ ଏକ ଆକର୍ଷଣର କେନ୍ଦ୍ରବିନ୍ଦୁ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକର ଭାରତୀୟ ହକି ବିଶ୍ୱକପ୍‌ ଦଳକୁ ଶୁଭେଚ୍ଛା ଜଣାଇବେ।