ମହାପ୍ରଭୁଙ୍କ ଦର୍ଶନ କରି ଝିଅ ବାହାଘର ନିମନ୍ତ୍ରଣ ପତ୍ର ଦେଲେ ଅମ୍ବାନୀ

ରିଲାଏନ୍ସ କମ୍ପାନୀର ମାଲିକ ମୁକେଶ ଅମ୍ବାନୀ ମେକ୍ ଇନ ଓଡିଶା କନକ୍ଲେଭରେ ଯୋଗଦେବା ପରେ ପୁରୀ ଯାଇ ଶ୍ରୀଜିଉଙ୍କ ଦର୍ଶନ କରିଛନ୍ତି । ଅପରାହ୍ନରେ ସିଂହଦ୍ୱାର ନିକଟରେ ପହଁଞ୍ଚିବା ପରେ ତାଙ୍କୁ ଖଣ୍ଡୁଆ ପାଟ ଦେଇ ସ୍ୱାଗତ କରାଯାଇଥିଲା । ଆସନ୍ତା ଡିସେମ୍ବର ମାସରେ ତାଙ୍କ ଝିଅ ଇସାର ବାହାଘର ଥିବାରୁ ସେ ନିମନ୍ତ୍ରଣ ପତ୍ର ଶ୍ରୀଜିଉଙ୍କୁ ଦେଇଛନ୍ତି । ଏହି ଅବସରରେ ସେ ଶ୍ରୀମନ୍ଦିରରେ ଚତୁର୍ଦ୍ଧାମୂର୍ତ୍ତିଙ୍କୁ ଦର୍ଶନ କରିବା ସହ ପୂଜାର୍ଚ୍ଚନା କରିଥିଲେ । ତାଙ୍କର କୌଳିକ ପଣ୍ଡା ରଘୁନାଥ ଗୋଚ୍ଛିକାର ପୂଜର୍ଚ୍ଚନା କରିବା ସହ ତାଙ୍କଠାରୁ ନିମନ୍ତ୍ରଣ ପତ୍ର ଗ୍ରହଣ କରିଥିଲେ । ଅମ୍ବାନୀଙ୍କୁ ଶ୍ରୀଜିଉଙ୍କ ଗୁଆ ଓ ଆଜ୍ଞାମାଳ ପ୍ରଦାନ କରାଯାଇଥିଲା ।