ନିର୍ବାଚନ ଜିତିଲେ ଡୋନାଲ୍ଡ ଟ୍ରମ୍ପ । ରିପବ୍ଲିକାନ ପାର୍ଟି ପ୍ରାର୍ଥୀ ତଥା ପୂର୍ବତନ ରାଷ୍ଟ୍ରପତି ଟ୍ରମ୍ପ ଆମେରିକାର 47 ତମ ରାଷ୍ଟ୍ରପତି ହେବାକୁ ଯାଉଛନ୍ତି । ଟ୍ରମ୍ପଙ୍କ ସପକ୍ଷରେ 277 ଭୋଟ ମିଳିଥିବା ବେଳେ ତାଙ୍କ ପ୍ରତିଦ୍ବନ୍ଦୀ କମଲା ହାରିସଙ୍କୁ ମିଳିଛି 226 ଖଣ୍ଡ ଭୋଟ୍ । ଚାରିବର୍ଷ ପରେ ଟ୍ରମ୍ପଙ୍କ ସ୍ବପ୍ନ ସାକାର ହୋଇଛି ।
ନିର୍ବାଚନ ଜିତିବା ପରେ ଟ୍ରମ୍ପ ଆମେରିକାବାସୀଙ୍କୁ ଧନ୍ୟବାଦ ଜଣାଇଛନ୍ତି । ଟ୍ରମ୍ପ କହିଛନ୍ତି, ଆମେରିକାବାସୀ ତାଙ୍କୁ ବିଶ୍ବାସକୁ ନେଇଥିବାରୁ ସେ କୃତଜ୍ଞ । ସେ ପ୍ରତିମୁହୂର୍ତ୍ତରେ ଆମେରିକାବାସୀଙ୍କ ପାଇଁ ଲଢେଇ କରିବେ ବୋଲି କହିଛନ୍ତି । ଆମେରିକା ଏଭଳି ନିର୍ବାଚନ ପୂର୍ବରୁ କେବେ ଦେଖି ନ ଥିଲା । ଏହା ଆମେରିକାବାସୀଙ୍କ ବଡ ବିଜୟ ବୋଲି ସେ କହିଛନ୍ତି ।
