ବରିଷ୍ଠ ନେତା ଦାମ ରାଉତଙ୍କୁ ନେଇ ସବୁବେଳେ ଚର୍ଚ୍ଚା ଲାଗିରହିଥାଏ | କେତେବେଳେ ନିଜ ଦଳ ବିରୋଧରେ ବିଷ ଓଗାଳନ୍ତି ତ, ଆଉ କେତେବେଳେ ବିରୋଧୀଙ୍କ ଉପରେ ବିଷ ଓଗାଳନ୍ତି | ଗତ କିଛି ଦିନ ତଳେ, ଦଳ ତାଙ୍କୁ ପଚାରିନଥିବା, ସେ ଦଳ ପାଇଁ ଆଲୋଡା଼ ପାଲଟି ଯାଇଥିବା କହୁଥିବା ବେଳେ, ଆଜି ପୁଣି ଥରେ ନିଜ ଦଳର କାର୍ଯ୍ୟକାରିତାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି | ଏପରିକି ସେ ପ୍ରତ୍ୟେକ୍ଷ ନିର୍ବାଚନ ରାଜନୀତିରୁ ସନ୍ନ୍ୟାସ ନେଇଥିବା ଘୋଷଣା କରିଛନ୍ତି | ଦାମଙ୍କୁ ନେଇ ବିଜେପି କ୍ୟାମ୍ପରେ କୁହୁଳୁଥିବା ଅସନ୍ତୋଷ ନେଇ ମୁହଁ ଖୋଲିଛନ୍ତି ଦାମ ରାଉତ । ସାଧାରଣ ନିର୍ବାଚନ ପରେ ଦଳ ମୋତେ ଆଉ ଅବଶ୍ୟକତା କରୁନି । ଏପରିକି ପୂର୍ବରୁ ହେଲିକପ୍ଟରରେ ବୁଲାଇଲେ , ଏବେ ଅଲୋଡ଼ା କରିଦେଲେ ବୋଲି କହି ଦାମ ବିଜେପି ବିରୋଧରେ ବିଷ ଓଗାଳିଛନ୍ତି । ଅନ୍ୟପଟେ ବିଜେପୁର ପାଇଁ ବିଜେପର ଷ୍ଟାର ପ୍ରଚାରକ ତାଲିକାରେ ଦାମ ରାଉତଙ୍କ ନାଁ ନଥିବା ଦେଖିବାକୁ ମିଳିଛି । ଯାହାକୁ ନେଇ ଦାମ ଅଧିକ ଖପ୍ପା ହୋଇଯାଇ ବିଜେପି ବିରୋଧରେ ବିଷୋଦଗାର କରୁଥିବା ଦେଖିବାକୁ ମିଳିଛି । ସେହିଭଳି ପ୍ରତ୍ୟେକ୍ଷ ନିର୍ବାଚନ ରାଜନୀତିରୁ ସନ୍ନ୍ୟାସ ନେଇ ଦାମ କହିଛନ୍ତି, ମୋ ପୂଅ ବିଧାୟକ ହୋଇଗଲାଣି ତେଣୁ ନିର୍ବାଚନ ଲଢ଼ିବାକୁ ମୋର ବଳ-ବୟସ କି ମାନସିକତା ଆଉ ନାହିଁ । ଲୋକଙ୍କ ପାଇଁ କାମ କରୁଛି ଆଉ କାମ କରୁଥିବି ବୋଲି କହିଛନ୍ତି ଦାମ ରାଉତ |
