ଛତିଶଗଡ ନାରାୟଣପୁର ଜିଲ୍ଲା ଅବୁଝମାଡ ଜଙ୍ଗଲରେ ପୋଲିସ ଓ ନକ୍ସଲ ମୁହାଁମୁହିଁ । ଜିଲ୍ଲା ରିଜର୍ଭଫୋର୍ସ, ସିଆରପିଏଫ ଏବଂ ସ୍ପେସାଲ ଟାସ୍କ ଫୋର୍ସର ମିଳିତ ଅପରେସନରେ ମିଳିଛି ବଡ ସଫଳତା । ନକ୍ସଲ ପ୍ରଭାବିତ ନାରାୟଣପୁର ଜିଲ୍ଲାର ଅବୁଝମାଡ ଜଙ୍ଗଲରେ ନକ୍ସଲ ଡେରା ପକାଇତିବାର ସୂଚନା ମିଳିବା ପରେ ମିଳିତ ଟିମ୍ ଜଙ୍ଗଲରେ ଅପରେସନ ଆରମ୍ଭ କରିଥିଲେ । ଭୋର୍ ତିନିଟାରେ ମିଳିତ ଟିମର ସର୍ଚ୍ଚ ଅପରେସନ ଚାଲିଥିବା ବେଳେ ନକ୍ସଲମାନେ ସୁରକ୍ଷା ବାହିନୀ ଉପରକୁ ଗୁଳିମାଡ କରିଥିଲେ । ଜବାବରେ ସୁରକ୍ଷା ବାହିନୀ ନକ୍ସଲଙ୍କ ଉପରକୁ ଗୁଳି ଚଳାଇଥିଲେ । ଦୀର୍ଘ ସମୟ ଧରି ଗୁଳିମାଡ ହେବା ପରେ ସାତଜଣ ନକ୍ସଲ ମୃତ୍ୟୁବରଣ କରିଥିବା ବସ୍ତର ଆଇଜି ପି. ସୁନ୍ଦରାଜ ସୂଚନା ଦେଇଛନ୍ତି । ସୁରକ୍ଷା ବାହିନୀ ସାତଜଣ ନକ୍ସଲଙ୍କ ମୃତଦେହ ଉଦ୍ଧାର କରିଥିବା ଆଇଜି କହିଛନ୍ତି ।
