କେନ୍ଦ୍ରାପଡା ଜିଲ୍ଲା ବାରିମୁଳରେ ଥିବା ବହୁ ଚର୍ଚ୍ଚିତ ସାରଥୀ ଆଶ୍ରମରେ ପୂଜାର୍ଚ୍ଚନା । ଜନ୍ମାଷ୍ଟମୀ ଏବଂ ନନ୍ଦ ଉତ୍ସବ ଅବସରରେ ତାଙ୍କର କିଛି ଅନୁଗାମୀ ଆଶ୍ରମ ଭିତରେ ସାରଥୀ ଓରଫ ସନ୍ତୋଷ ରାଉଳଙ୍କ ଫଟୋକୁ ଆସ୍ଥାନରେ ରଖି ପୂଜାର୍ଚ୍ଚନା କରିବାର ଭିଡିଓ ଭାଇରାଲ ହୋଇଛି । ଜନ୍ମାଷ୍ଟମୀ ଏବଂ ନନ୍ଦଉତ୍ସବ ଦିନ କିଛି ସମର୍ଥକ ସାରଥୀ ଆଶ୍ରମ ଭିତରେ ପଶି ହୋମଯଜ୍ଞ କରିବା ସହିତ ଆସ୍ଥାନରେ ଫଟୋ ରଖି ଫୁଲ ଧୂପ ଚନ୍ଦନ ଦେଇ ପୂଜାର୍ଚ୍ଚନା କରିଥିଲେ । ଏହାସହିତ ଆଶ୍ରମରେ ପ୍ରାର୍ଥନା ମଧ୍ୟ କରୁଛନ୍ତି । ସାରଥୀ ଆଶ୍ରମ ସମ୍ପତ୍ତିକୁ ପ୍ରବର୍ତ୍ତନ ନିର୍ଦ୍ଦେଶାଳୟ ୨୦୧୯ ଜୁଲାଇ ୨୭ ତାରିଖରେ ନିଜ କବଜାରେ ରଖିଥିଲା । ତେବେ କିଭଳି ଲୋକେ ପଶି ପୂଜାର୍ଚ୍ଚନା କଲେ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ପ୍ରକାଶ ପାଇଛି ।
