ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ଶେଷ ହୋଇଛି ପ୍ରଚାର

ସରିଛି ପ୍ରଚାର କମ୍ପିଛି ମଇଦାନ । ତୃତୀୟ ପର୍ଯ୍ୟାୟ ନିର୍ବାଚନ ପାଇଁ ଆଜି ପ୍ରଚାରର ଥିଲା ଶେଷ ଦିନ । ଏନେଇ ବହୁ ହେଭିୱେଟ ପ୍ରାର୍ଥୀ ସୁଯୋଗ ହାତଛଡା କରିନଥିଲେ । ଘରକୁ ଘର ବୁଲି ଭୋଟ ପାଇଁ ନିବେଦନ କରିଛନ୍ତି ପ୍ରାର୍ଥୀ । ଭୁବନେଶ୍ୱର ଲୋକସଭା ଆସନର ବିଜେପି ପ୍ରାର୍ଥୀ ଅପରାଜିତା ଷଡଙ୍ଗୀ ଏବଂ ଭୁବନେଶ୍ୱର ଉତ୍ତର ବିଧାୟକ ପ୍ରାର୍ଥୀ ବାବୁ ସିଂ ଜୋରଦାର ନିର୍ବାଚନ ପ୍ରଚାର କରିଥିଲେ । ଆଇଏଏସ ଚାକିରି ଛାଡି ନିର୍ବାଚନ ମଇଦାନକୁ ପ୍ରଥମଥର ପାଇଁ ଓହ୍ଲାଇଥିବା ଅପରାଜିତା ପ୍ରଚାରର ଶେଷ ମୁହୁର୍ତ୍ତ ପର୍ଯ୍ୟନ୍ତ ଲୋକମାନଙ୍କୁ ଭୋଟ ଭିକ୍ଷା କରଥିଲେ । ଅପରାଜିତାଙ୍କ ବିପକ୍ଷରେ ବିଜେଡିରୁ ଅବସରପ୍ରାପ୍ତ ଆଇପିଏସ ଅଫିସର ଅରୁପ ପଟ୍ଟନାୟକ ପ୍ରାର୍ଥୀ ହୋଇଛନ୍ତି । ସେ ମଧ୍ୟ ତାଙ୍କର ସମର୍ଥକଙ୍କ ସହ ପ୍ରଚାର କରିଥିଲେ । ଏହି ଆସନରେ କଂଗ୍ରେସ ସମର୍ଥିତ ସିପିଆଇ ପ୍ରାର୍ଥୀ ଭାବେ ଜନାର୍ଦ୍ଦନ ପତି ମଇଦାନକୁ ଓହ୍ଲାଇଛନ୍ତି ।