ବିଶିଷ୍ଟ ଶିକ୍ଷାବିତ, ଅର୍ଥନୀତିଜ୍ଞ ତଥା ଜଗତସିଂହପୁରର ପୂର୍ବତନ ସାଂସଦ ତ୍ରିଲୋଚନ କାନୁନଗୋଙ୍କ ପରଲୋକ I ମୃତ୍ୟୁ ବେଳକୁ ତାଙ୍କୁ 83 ବର୍ଷ ହୋଇଥିଲା I ଶ୍ରୀ କାନୁନଗୋଙ୍କ ପରଲୋକରେ ଛତିଶଗଡ ରାଜ୍ୟପାଳ ବିଶ୍ୱଭୂଷଣ ହରିଚନ୍ଦନ, ଓଡିଶା ରାଜ୍ୟପାଳ ପ୍ରଫେସର ଗଣେସୀ ଲାଲ, ମୁଖ୍ୟମନ୍ତ୍ରୀ ନବୀନ ପଟନାୟକଙ୍କ ସମେତ ବହୁବିଶିଷ୍ଟ ବ୍ୟକ୍ତି ଗଭୀର ଶୋକ ବ୍ୟକ୍ତ କରିଛନ୍ତି I
ସ୍ୱର୍ଗତଃ କାନୁନଗୋ ତିନିଥର ବିଧାୟକ ଓ ଥରେ ସାଂସଦ ନିର୍ବାଚିତ ହୋଇଥିଲେ I ସେ କଟକ ପୌର ପାଳିକାର ଅଧ୍ୟକ୍ଷ ଭାବେ ଚର୍ଚ୍ଚାକୁ ଆସିଥିଲେ I ରାଜ୍ୟ ଅର୍ଥ କମିଶନର ଅଧ୍ୟକ୍ଷ ଭାବେ ମଧ୍ୟ ସେ କାର୍ଯ୍ୟ କରିଥିଲେ I ମାତ୍ର କ୍ଷମତା ରାଜନୀତିରେ ସେ ସାଲିସ କରି ନ ପାରିବାରୁ ରାଜନୀତିରୁ ଦୁରେଇ ଯାଇଥିଲେ I ଅଡସପୁର ସ୍ଥିତ ୟୁ ଏନ କଲେଜ ତାଙ୍କ ଉଦ୍ୟମରେ ପ୍ରତିଷ୍ଠା ହୋଇଥିଲା I
