ମାଓବାଦୀଙ୍କ ସଂପର୍କରେ ପୋଲିସକୁ ସୂଚନା ଦେଉଥିବା ଆଧାରରେ ଯୁବକଙ୍କୁ ଗୁଳିକରି ହତ୍ୟା । ନବରଙ୍ଗପୁର ଜିଲ୍ଲା ରାଇଘର ଥାନା ହାତୀ ଗାଁରେ ଘଟିଛି ଏହି ଘଟଣା । ଗତକାଲି ରାତିରେ ମାଓବାଦୀମାନେ ହାତୀ ଗାଁର ଚନ୍ଦନ ମଲ୍ଲିକଙ୍କୁ ଘରୁ ଡାକି ନେଇଥିଲେ । ଘରଠୁ ମାତ୍ର ଦୁଇଶହ ମିଟର ଦୂରରେ ଆଜି ସକାଳେ ଚନ୍ଦନଙ୍କ ମୃତଦେହ ମିଳିଥିଲା ।
ଚନ୍ଦନଙ୍କୁ ସେମାନେ ଗୁଳି କରି ହତ୍ୟା କରିଥିବା ସଂପର୍କରେ ମାଓବାଦୀ ଉଦନ୍ତୀ ଏରିଆ କମିଟି ଦାୟୀ କରିଛି । ଚନ୍ଦନଙ୍କୁ ମାରିବା ପରେ ଗଛରେ ଲଗାଇଥିବା ଏକ ପୋଷ୍ଟରରେ ମାଓବାଦୀମାନେ ଉଲେଲଖ କରିଛନ୍ତି, ଚନ୍ଦନ ମୃତ୍ୟୁ ପାଇଁ ନବରଙ୍ଗପୁର ଓ ଛତିଶଗଡର ଗରିଆବନ୍ଧ ଏସପି ଦାୟୀ । ଚନ୍ଦନ ସେମାନଙ୍କୁ ମାଓବାଦୀଙ୍କ ଗତିବିଧି ସଂପର୍କରେ ସୂଚନା ଦେଉଥିଲା ।
