ଭୁବନେଶ୍ୱରରେ ଭୟଙ୍କର ସଡକ ଦୁର୍ଘଟଣା । ହାଇୱା ଚାଳକଙ୍କର ବେପରୁଆ ଗାଡି ଚାଳନା ହେଲା କାଳ । ଭୁବନେଶ୍ୱର ପଳାଶୁଣି ଛକରେ ଘଟିଥିବା ସିରିଜ ଦୁର୍ଘଟଣାରେ ଜଣଙ୍କର ଜୀବନ ଯାଇଛି । ଆଗପଛ ହୋଇ ରହିଥିଲା କାର୍ । ପଛପଟୁ ଆସୁଥିବା ଦ୍ରୁତଗାମୀ ହାଇୱା ପ୍ରଥମେ ଏକ କାରକୁ ଧକ୍କା ଦେଲା । କାରଟି ଭାରସାମ୍ୟ ହରାଇ ଡିଭାଇଡର ଡେଇଁ ଏକ ବାଇକ୍ ଆରୋହୀଙ୍କୁ ଧକ୍କା ଦେଉଛି । କାରକୁ ଧକ୍କା ଦେବା ପରେ ହାଇୱେଟି ଡମ୍ପର ପଛରେ ଥିବା ଆଉ ଏକ କାର୍ ଉପରେ ଚଢିଯାଇଥିଲା । ଫଳରେ କାରଟି ଚୁରମାର ହୋଇଯାଇଥିଲା ଏବଂ ଚାଳକଙ୍କର ଜୀବନ ଯାଇଛି । ଦୁର୍ଘଟଣା ପରେ ଦୀର୍ଘ ସମୟ ଧରି ରାସ୍ତା ଜାମ୍ ହେବା ସହିତ ଉଭୟ ପାଶ୍ୱର୍ରେ ଶହ ଶହ ଗାଡି ଅଟକି ରହିଥିଲା । ସିସିଟିଭିରେ କଏଦ ହୋଇଛି ଦୁର୍ଘଟଣାବେଳର ଭୟଙ୍କର ଚିତ୍ର ।
