ତିନିଦିନ ତଳେ ଧଉଳି ନିକଟରୁ ଜଣେ ସ୍ୱିଗୀ ବୟକୁ ଅପହରଣ ହୋଇଥିବା ଅଭିଯୋଗ ହୋଇଥିଲା । ନିଜେ ସ୍ୱିଗୀ ବୟ ଏକ ଭଏସ ମେସେଜ୍ ନିଜ ସ୍ତ୍ରୀ ପାଖକୁ ଏକ ଅଡିଓ ପଠାଇଥିଲେ । ଏବଂ ତାଙ୍କୁ ଅପହରଣ କରାଯାଉଛି ବୋଲି ସେହ ଭଏସ ମେସେଜରେ ସେ କହିଥିଲେ । କିନ୍ତୁ ଆପଣ ଜାଣିଲେ ଆଶ୍ଚର୍ଯ୍ୟ ହେବେ, ପତିତପାବନ ପ୍ରେମ ପାଇଁ ରଚିଥିଲା ଅପହରଣ ନାଟକ । ଟ୍ରେନ୍ ଯୋଗେ ରାଜ୍ୟ ବାହାରକୁ ପଳାଇଥିଲା । ମାତ୍ର ଘର ଲୋକଙ୍କୁ ଭୁତେଇବା ପାଇଁ କରିଥିବା ଯୋଜନା କାମ କରି ନ ଥିଲା । ମଧ୍ୟପ୍ରଦେଶ ରେଳଷ୍ଟେସନରେ ଅଟକ ରଖିଛି ପୋଲିସ । ସାଙ୍ଗରେ ଜଣେ ଯୁବତୀ ଥିବା ସୂଚନା ମିଳିଛି । ଖୁବଶୀଘ୍ର ସ୍ୱିଗି ବୟକୁ ଓଡିଶା ଅଣାଯିବ । ନିଜେ ରଚିଥିବା ଅପହରଣର ଷଡଯନ୍ତ୍ର ସିସିଟିଭିରୁ ଧରାପଡିଥିଲା । ପୁରୀ ଜିଲ୍ଲା ଗୋପ ଅଞ୍ଚଳର ଜଣେ ଯୁବତୀଙ୍କ ସହ ପ୍ରେମ ସଂପର୍କ ଥିଲା । ମାତ୍ର ବିବାହିତ ଏହି ଯୁବକ ଘର ଲୋକଙ୍କୁ ଭୂଆଁ ବୁଲେଇବା ପାଇଁ ଏମିତି ନାଟକ ରଚନା କରିଥିଲା । ତେବେଏ ସଂପର୍କରେ ବିସ୍ତୃତ ସୂଚନା ଦେବ ପୋଲିସ ।
ଗତ ୧୧ ତାରିଖ ରାତିରେ ସ୍ବିଗି ଡେଲିଭରି ବୟ ପତିତପାବନଙ୍କୁ ଅପହରଣ କରି ନିଆଯାଇଥିବା ଥାନାରେ ଅଭିଯୋଗ ହୋଇଥିଲା । ପୁଲିସ ତାଙ୍କ ପରିବାର ଲୋକଙ୍କ ସୂଚନା ଆଧାରରେ ଧଉଳି ଥାନା ଅଧୀନ ଦୟାବ୍ରିଜ ଲିଙ୍ଗିପୁର ସ୍ଥିତ ଏକ ନିକାଞ୍ଚନ ଜାଗାରୁ ତାଙ୍କ ଚିରାଗଞ୍ଜି, ଏକ ଛୁରି, ବ୍ୟାଗ, ଚପଲ, ପାଣି ବୋତଲ ଆଦି ଜବତ କରିଥିଲା ।
