ଆସିଲା ହ୍ୱାଟସ ଆପ୍ ର ନୂଆ ଅପଡେଟ୍

ସ୍ମାର୍ଟଫୋନ ବ୍ୟବହାରକାରୀଙ୍କ ପାଇଁ ହ୍ୱାଟସ ଆପ୍ ବାରମ୍ବାର କିଛି ନୂଆ ଫିଚର ଆଣୁଛି. ବର୍ତ୍ତମାନ କମ୍ପାନୀ ଆଇ ଫୋନ ବ୍ୟବହାରକାରୀଙ୍କ ପାଇଁ ଆଣିଛି ଏକ ଅପଡେଟ୍. ଆଇଫୋନ ଏକ୍ସଏସ ମାକ୍ସର ସପୋର୍ଟ ସହ କମ୍ପାନୀ ଦୁଇଠି ନୂଆ ଫିଚରକୁ ଲଞ୍ଚ୍ କରିଛି. ଯାହା କେବଳ ଆଇଫୋନ ଓ ଆଇପ୍ୟାଡ ପାଇଁ ଉପଯୁକ୍ତ ହେବ. ସୂଚନା ଅନୁସାରେ, ଆଇଫୋନ ପାଇଁ ହ୍ୱାଟସ ଆପ୍ ସର୍ଟକଟ ନୂଆ ଡିଜାଇନରେ ଆସିବ. ବ୍ୟବହାରକାରୀ ଯେତେବେଳେ ଏକ ମେସେଜକୁ ଲମ୍ବା ସମୟ ଧରି ପ୍ରେସ କରି ରଖିବେ ତାଙ୍କ ସାମ୍ନାରେ ଗୋଟିଏ ସର୍ଟକଟ ଦେଖାଯିବ. ତେବେ ପୂର୍ବରୁ ଏହା ହରିଜୋଣ୍ଟାଲ ଲେ ଆଉଟରେ ଦେଖାଯାଉଥିଲା. ବର୍ତ୍ତମାନ ଏହା ଧଳା ଭର୍ଟିକାଲ ଲେ ଆଉଟରେ ଦେଖାଯିବ. ଦ୍ୱିତୀୟ ଫିଚରଟି ଭଏସ ମେସେଜ ପାଇଁ. ଏହି ଫିଚର ସାହାଯ୍ୟରେ ବ୍ୟବହାରକାରୀ କ୍ରମରେ ଗୋଟିକ ପରେ ଗୋଟିଏ ଭଏସ ମେସେଜ ପ୍ଲେ ହୋଇପାରିବ.