ଭାରତୀୟ ରେଳ ବିଭାଗକୁ ମିଳିଲା ସବୁଠୁ ଦୃତ ଗତିରେ ଯାଉଥିବା ଇଞ୍ଜିନ

ଚିତ୍ତରଞ୍ଜନ ଲୋକୋମୋଟିଭ ୱାର୍କସ(ସିଏଲଡବ୍ଲ୍ୟୁ) ଭାରତୀୟ ରେଳ ବିଭାଗକୁ ଦେଇଛି ସବୁଠୁ ଦୃତ ଗତିରେ ଯାଉଥିବା ଇଞ୍ଜିନ. ଅନୁମାନ କରାଯାଉଛି ଯେ, ଘଣ୍ଟାପ୍ରତି ୨୦୦ କି.ମି ବେଗରେ ଯିବାର କ୍ଷମତା ଏହି ଇଞ୍ଜିନର ରହିଛି. ଏହା ସହ ଏଥିରେ ଡଇଚ ୫ ମଡିଫାଏଡ ଇଞ୍ଜିନ ଥିବା ସହ ରେଳ ଚାଳକଙ୍କ ସୁରକ୍ଷାକୁ ମଧ୍ୟ ଦୃଷ୍ଟି ଦିଆଯାଇଛି. ତେବେ ଏହାର ପ୍ରଥମ ଇଞ୍ଜିନ ଗାଜିୟାବାଦକୁ ପଠାଯାଇଛି. ଏହି ଇଞ୍ଜିନକୁ ରାଜଧାନୀ ଏକ୍ସପ୍ରେସ, ଗତିମାନ ଏକ୍ସପ୍ରେସ ଓ ଶତାବ୍ଦୀ ଏକ୍ସପ୍ରେସରେ ଲଗାଯିବ ବୋଲି ଆଶା କରାଯାଉଛି. ଏହା ସହ ଏହି ନୂଆ ଇଞ୍ଜିନରେ ସିସିଟିଭି କ୍ୟାମେରା ଲଗାଯିବା ସହ କକପିଟ୍ ଭଏସ ରେକର୍ଡର ମଧ୍ୟ ଲଗାଯାଇଛି ଯାହା ରେଳ ଚାଳକଙ୍କ ମଧ୍ୟରେ ହେଉଥିବା କଥାବାର୍ତ୍ତାକୁ ରେକର୍ଡ କରିବ.