ଦ୍ୱିତୀୟ ସପ୍ତାହରେ ମଧ୍ୟ ଫିଲ୍ମ ‘ସ୍ତ୍ରୀ’ କୋଟି କୋଟି ଟଙ୍କା ରୋଜଗାର କରି ଚାଲିଛି । ରିଲିଜର 9 ଦିନ ପରେ ବି ଚଳିତ ସପ୍ତାହରେ ରିଲିଜ ହୋଇଥିବା ଫିଲ୍ମଗୁଡିକୁ ଟକ୍କର ଦେଉଛି ‘ସ୍ତ୍ରୀ’ । ଏହାବ୍ୟତୀତ ହରର୍ ଫିଲ୍ମ ‘ଦ ନନ୍’ ମଧ୍ୟ ଦର୍ଶକଙ୍କୁ ବେଶ ଆକୃଷ୍ଟ କରିଛି ।
ଅମର କୌଶିକ ନିର୍ଦ୍ଦେଶନାରେ ନିର୍ମିତ ଫିଲ୍ମ ‘ସ୍ତ୍ରୀ’ ଏ ବର୍ଷର ସୁପରହିଟ୍ ଫିଲ୍ମ ଭାବେ ଆଦୃତ ହୋଇଛି । କମେଡି ସହ ହରର୍ ଫିଲ୍ମର ମଜା ନେଇଛନ୍ତି ଦର୍ଶକ । 9 ଦିନରେ ଫିଲ୍ମ ବକ୍ସ ଅଫିସରେ 72.41 କୋଟି ଟଙ୍କା ଆୟ କରିଛି ।
ଅନ୍ୟପଟେ ହଲିଉଡ ଫିଲ୍ମ ‘ଦ ନନ୍’ ମଧ୍ୟ ବଲିଉଡରେ ଛାଇ ଯାଇଛି । କଞ୍ଜୁରିଂଙ୍ଗ୍ ସିରିଜର ପଞ୍ଚମ ସିରିଜ ‘ଦ ନନ୍’ ରିଲିଜର ପ୍ରଥମ ଦିନରେ 8 କୋଟି ରୋଜଗାର କରି ରେକର୍ଡ କରିଛି । ଏପଟେ ହରର ସିରିଜ ଆଗରେ କିଛି ଖାସ୍ କମାଲ ଦେଖାଇପାରିଲାନି ସାଜିଦ୍ ଅଲ୍ଲୀ ନିର୍ଦ୍ଦେଶିତ ଫିଲ୍ମ ‘ଲୈଲା ମଜନୁ’ । ଦୁଇ ଦିନରେ କୋଟିଏ ରୋଜଗାର କରିବାକୁ ଅସମର୍ଥ ହେଲା ଫିଲ୍ମ । ଏହି ଦୁଇ ଦିନରେ 80 ଲକ୍ଷ ଆୟ କରିଛି ଫିଲ୍ମ ।
‘ଦ ନନ୍’ କେବଳ ଲୈଲା ମଜନୁ କୁ ମାତ୍ ଦେଇନି ବରଂ ଜେ. ପି ଦତ୍ତାଙ୍କ ବହୁ ପ୍ରତିକ୍ଷିତ ଫିଲ୍ମ ‘ପଲଟନ’କୁ ମଧ୍ୟ ଟକ୍କର ଦେଇଛି । ରିପୋର୍ଟ ଅନୁସାରେ ‘ପଲଟନ’ର ଦୁଇ ଦିନର ରୋଜଗାର 3 କୋଟି ଟଙ୍କା ରହିଛି ।
