ଗଣେଶ ଚତୁର୍ଥୀ ଅବସରରେ ଦର୍ଶକମାନଙ୍କୁ ଉପହାର ସ୍ୱରୂପ ରଜନୀକାନ୍ତ ଓ ଅକ୍ଷୟ କୁମାରଙ୍କ ହାଇ ବଜେଟ ଫିଲ୍ମ 2.0ର ଟିଜର ରିଲିଜ ହୋଇଛି. ଫ୍ୟାନମାନଙ୍କ ପାଇଁ ଆଣିଦେଇଥିବା ଏହି ଭେଟି ଗଣେଶ ପୂଜାରେ ସିନେମାହଲରେ କମାଲ ଦେଖାଇବ. ଏହି ଫିଲ୍ମରେ ରଜନୀକାନ୍ତ ଓ ଅକ୍ଷୟ କୁମାରଙ୍କ ଚମତ୍କାର ଅଭିନୟ ଦେଖିବାକୁ ମିଳିଛି. ତେବେ ଏହାର ଟିଜର ଉଚ୍ଚ ଅକ୍ଟେନ ଷ୍ଟଣ୍ଟରେ ଭରପୂର ଥିବାବେଳେ ଏହା ମଧ୍ୟରେ ରୋବଟ ଚିତିକୁ ଏକ ଦମଦାର ପରିଚୟ ମିଳିଛି. ଗୋଟିଏ ସହରରେ କିଛି କାଉ ଉପରୁ ତଳକୁ ଆସୁଥିବା ଦେଖିବାକୁ ମିଳିଛି. ଯେଉଁଥିରୁ ଏହି ଭିଡିଓଟି ଆରମ୍ଭ ହୋଇଛି. ତା ପରେ ଏହା ଚେନ୍ନାଇ ସହରରେ ବାସ କରୁଥିବା ଲୋକଙ୍କୁ ଦ୍ୱନ୍ଦ ଭିତରେ ପକାଇଦେଉଛି. ପରେ ଲୋକମାନଙ୍କ ସେଲଫୋନ ଅଚାନକଭାବେ ଗାଏବ ହୋଇଯାଉଛି. ପରେ ସେହି ସହରର ପ୍ରଶାସନ ଆଦିଲ ହୁସେନ ଏହି ଦ୍ୱନ୍ଦର ସମାଧାନ କରିବା ପାଇଁ ବାହାରୁଛନ୍ତି. ଏହାପରେ ବୈଜ୍ଞାନିକ ଚରିତ୍ର କରୁଥିବା ରଜନୀକାନ୍ତ କହିଛନ୍ତି ଏହା ପରେ ଚିତି ମରିଯାଉଛି. ଏ ସବୁ ପଛର କାରଣ ଡକ୍ଟର ରିଚର୍ଡ(ଅକ୍ଷୟ କୁମାର) ଯିଏ ଜଣେ ଭିଲେନ ଚରିତ୍ରରେ ନଜର ଆସୁଛନ୍ତି.
