ରିଲିଜ୍ ହୋଇଛି ସୁଶାନ୍ତ ସିଂଙ୍କ ଶେଷ ଫିଲ୍ମ ‘ଦିଲ୍ ବେଚାରା’ର ଟାଇଟେଲ୍ ଟ୍ରାକ୍ । ଏହି ଟାଇଟେଲ ସଙ୍ଗରେ ସୁଶାନ୍ତଙ୍କ ଦମଦାର ଡ୍ୟାନ୍ସ ଦେଖିବାକୁ ପାଇବେ ଦର୍ଶକ । ସଙ୍ଗ୍ରେ ସୁଶାନ୍ତଙ୍କ ଜବରଦସ୍ତ ଏଣ୍ଟ୍ରି ଦେଖିବାକୁ ମିଳିଛି । ତେବେ ‘ଦିଲ୍ ବେଚାରା’ ଫିଲ୍ମ ଏବେ ୟ୍ୟୁଟୁବ୍ ରେ ବେଶ୍ ଚର୍ଚ୍ଚାରେ ରହିଛି । ଦିଲ୍ ବେଚାରା ହେଉଛି ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଶେଷ ଫିଲ୍ମ । ଶେଷଥର ପାଇଁ ଏହି ଫିଲ୍ମରେ ଦର୍ଶକ ସୁଶାନ୍ତଙ୍କ ଅଭିନୟ ଦେଖିବାକୁ ପାଇବେ । କିନ୍ତୁ କରୋନା ପାଇଁ ଦେଶରେ ଅନଲକ୍ କଟକଣା ଥିବାବେଳେ ସିନେମା ହଲ୍ ଖୋଲିବା ପାଇଁ ଅନୁମତି ନାହିଁ । ଯେଉଁଥିପାଇଁ ବଡ ପରଦା ନୁହଁ ବରଂ ଅନଲାଇନ ବା ଡିଜିଟାଲ ପ୍ଲାଟଫର୍ମରେ ରିଲିଜ ହେବ ସୁଶାନ୍ତ ସିଂ ରାଜପୁତଙ୍କର ଶେଷ ଫିଲ୍ମ ଦିଲ୍ ବେଚାରା । ଆସନ୍ତା ୨୪ ତାରିଖରେ ଡିଜି ପ୍ଲସ ହଟଷ୍ଟାରରେ ଫିଲ୍ମ ରିଲିଜ ହେବ । ମାତ୍ର ଫିଲ୍ମ ରିଲିଜ୍ ହେବା ପୂର୍ବରୁ ଏହାର ଟ୍ରେଲରକୁ ନେଇ ଢେର ଚର୍ଚ୍ଚା ।
