କେତେ ଟଙ୍କା ନିଅନ୍ତି କପିଲ ଶର୍ମା

ଘରେ ଘରେ ସମସ୍ତଙ୍କ ଦିଲ୍‌ରେ ରାଜ କରୁଛନ୍ତି କମେଡିଆନ କପିଲ ଶର୍ମା । କପିଲ ଏବଂ ତାଙ୍କ ଟିମ୍ ଦର୍ଶକଙ୍କୁ ହସାଇ ହସାଇ ବେଦମ କରାନ୍ତି । ଏବଂ ମନୋରଞ୍ଜନର ଖୋରାକ୍ ଯୋଗାଇ ଦିଅନ୍ତି । ହେଲେ ଲୋକଙ୍କୁ ହସାଇବା ବଦଳରେ ଏମାନେ କଣ ପାଆନ୍ତି । କେତେ ଟଙ୍କା ପାଉଥିବେ କପିଲ ଶର୍ମା ଏବଂ ତାଙ୍କ ଟିମ୍ । କପିଲ ଶର୍ମା ଏବଂ ତାଙ୍କ ଟିମ୍‌ରେ ଥିବା କିକୁ ଶାରଦା, ଭାରତୀ ସିଂ, ଚନ୍ଦନ, ସୁମୋନା, କୃଷ୍ଣ ଅଭିଷେକ ଏବଂ ଅର୍ଚ୍ଚନା ପୁରାଣ ସିଂ । ଏମାନେ କେତେ ଲେଖାଏଁ ଫି ପାଆନ୍ତି । ଏହି ସୋ ରେ ସପନା ଭୂମିକାରେ ଅଭିନୟ କରୁଥିବା କୃଷ୍ଣ ଅଭିଷେକ ପ୍ରତି ସପ୍ତାହରେ ଏପିସୋଡ ପାଇଁ ୧୦ ରୁ୧୨ ଲକ୍ଷ ଟଙ୍କା ନିଅନ୍ତି । କପିଲ ଶର୍ମାଙ୍କର ଘନିଷ୍ଠ ବନ୍ଧୁ ଭୂମିକାରେ ଅଭିନୟ କରୁଥିବା ଭାରତୀ ସିଂ ମଧ୍ୟ ଏହି ଶୋରେ ୧୦-୧୨ ଲକ୍ଷ ଟଙ୍କା ନିଅନ୍ତି । ଏହା ବ୍ୟତୀତ କପିଲ ଶର୍ମାଙ୍କ ପିଲାଦିନର ବନ୍ଧୁ ତଥା ଶୋ’ରେ ଚା ୱାଲା ଚାନ୍ଦୁ ଅଭିନୟ କରୁଥିବା ଚନ୍ଦନ ପ୍ରଭାକର ସପ୍ତାହ ଶେଷ ଭାଗ ପାଇଁ ସାତ ଲକ୍ଷ ଟଙ୍କା ନେଇଥାନ୍ତି । ଦର୍ଶକଙ୍କ ଭିତରେ ବସି ହସର ଖୋରାକ ଯୋଗାଉଥିବା ଅର୍ଚ୍ଚନା ୧୦ ଲକ୍ଷ ଟଙ୍କା ନିଅନ୍ତି । ପପୁଲାର କମେଡିଆନ କପିଲ ଶର୍ମା ପୂର୍ବରୁ ୬୦ ରୁ୭୦ ଲକ୍ଷ ଟଙ୍କା ନେଉଥିଲେ । କିନ୍ତୁ ଏବେ ୱିକେଣ୍ଡ ଏପିସୋଡ ପିଛା ନେଉଛନ୍ତି ୧ କୋଟି ଟଙ୍କା ।