ଟିଭି ଦୁନିଆର ସବୁଠାରୁ କଣ୍ଟ୍ରୋଭର୍ସିଆଲ ଶୋ’ର ୧୨ତମ ସିଜିନ ଆରମ୍ଭ ହୋଇଯାଇଛି । ଚଳିତ ସିଜିନରେ ପ୍ରଥମଥର ପାଇଁ ପ୍ରତିଯୋଗୀମାନେ ଯୋଡି ଏବଂ ସିଙ୍ଗଲ ଭାବେ ଭାଗ ନେଇଛନ୍ତି । ସମସ୍ତ ପ୍ରତିଯୋଗୀଙ୍କ ମଧ୍ୟରେ ଭଜନ ସମ୍ରାଟ ଅନୁପ ଜଲୋଟା ଏବଂ ତାଙ୍କ ଗର୍ଲପ୍ରେଣ୍ଡ ଜସଲିନ ପ୍ରଥମ ଦିନରୁ ହିଁ ଚର୍ଚ୍ଚାର ପରିସରକୁ ଆସିଛନ୍ତି । ତେବେ ଏହି ଯୋଡିଙ୍କର ଏକ ଭିଡିଓ ଏବେ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରାଯାଇଛି । ଯାହାକୁ ଦେଖିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ ।
ଏହି ଭିଡିଓରେ ଜସଲିନ ବିଗ୍ବସଙ୍କ ଘରେ ସମସ୍ତଙ୍କ ସାମ୍ନାରେ ଅନୁପ ଜଲୋଟାଙ୍କୁ କିସ୍ କରୁଥିବାର ଦେଖିବାକୁ ମିଳିଛି । ଏହି ଭିଡିଓରେ ଅନୁପ ଜଲୋଟାଙ୍କୁ ଜସଲିନ କହୁଛନ୍ତି, ମୁଁ ଆଜି ଆପଣଙ୍କୁ ଏକ କଥା କହିବି, ଏହା ଆପଣଙ୍କୁ ପାଳନ କରିବାକୁ ପଡିବ । ଆପଣ କିଛି କରିବେ ନାହିଁ କି ଏହାକୁ ଲିଭାଇବେ ନାହିଁ । ଏହାପରେ ଜସଲିନ ଅନୁପ ଜଲୋଟାଙ୍କ ମଥା ଏବଂ ଗାଲରେ କିସ୍ କରି ଲିପଷ୍ଟିକର ଦାଗ ଛାଡିଦିଅନ୍ତି । ଏହାସବୁ ଦେଖିବା ପରେ ହାଉସରେ ଥିବା ସଦସ୍ୟ ଆଶ୍ଚର୍ଯ୍ୟ ହୋଇଯାଇଥିଲେ । ଏହାପରେ ଅନୁପ ଜଲୋଟା କହୁଛନ୍ତି, ଏବେ ଏହି ଦାଗ ଜୀବନସାରା ରହିବ ।
