ଆଜି ସୁନାବେଶରେ ଦର୍ଶନ ଦେବେ ମହାପ୍ରଭୁ

ଭୁବନେଶ୍ୱର: ଆଜି ହେଉଛି ପବିତ୍ର ଦୋଳ ପୂର୍ଣିମା I ଏହି ଅବସରରେ ରାଜାଧିରାଜ ବା ସୁନାବେଶରେ ଦର୍ଶନ ଦେବେ ମହାପ୍ରଭୁ I ଫାଲଗୁନ ଶୁକ୍ଲପକ୍ଷ ଦଶମୀରୁ ପ୍ରତିପଦା ପର୍ଯ୍ୟନ୍ତ ଦୋଳ ଉତ୍ସବ ପାଳନ ହୋଇଥାଏ I ଦୋଳ ଉତ୍ସବରେ ମହାପ୍ରଭୁ ଫଗୁ ଓ ଅବିର ଖେଳିବେ I ଆଜି ରାତି ପ୍ରାୟ ସାଢେ 10ଟା ପର୍ଯ୍ୟନ୍ତ ଏହି ଦର୍ଶନ ମିଳିପାରିବ I ରତ୍ନ ସିଂହାସନରେ ମହାପ୍ରଭୁଙ୍କ ସୁନାବେଶରେ ଦର୍ଶନ କରିବାକୁ ଶ୍ରୀମନ୍ଦିରରେ ଭକ୍ତଙ୍କ ଭିଡ ହେବ I ଏଥିପାଇଁ ଶ୍ରୀମନ୍ଦିର ପ୍ରଶାସନ ପକ୍ଷରୁ ସମସ୍ତ ବନ୍ଦୋବସ୍ତ କରାଯାଇଛିI