ଅନୁଗୁଳ : ପାଲଲହଡାର ୨ଟି ପୃଥକ ପୃଥକ ସ୍ଥାନରେ ସଡକ ଦୁର୍ଘଟଣା ହୋଇଛି । ପାଲଲହଡା ଶିବ ମନ୍ଦିର ଛକ ନିକଟରେ ଅଟୋକୁ ଏକ ମାଲବାହୀ ଟ୍ରକ ଧକ୍କା ଦେଇଥିଲା ଫଳରେ ଅଟୋରେ ଥିବା ୧୦ଯାତ୍ରୀ ଗୁରୁତର ହୋଇ, ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଗୁରୁତରଙ୍କ ମଧ୍ୟରେ ୫ ଜଣ ୫ ବର୍ଷରୁ କମ୍ ବୟସର ଶିଶୁ ଥିବା ଜଣାପଡିଛି । ସମସ୍ତ ଯାତ୍ରୀ ଚଷାଗୁରୁଜଙ୍ଗ ପଞ୍ଚାୟତ ସୁସବ ଗ୍ରାମର ବୋଲିଜଣାପଡିଛି । ସେହିପରି ଖମାର ଥାନା ବାଲିପଶି ନିକଟରେ ଦୁର୍ଘଟଣା ଘଟିଛି । ଏକ କାରକୁ ସ୍କୁଟି ଧକ୍କା ଦେବା ଫଳରେ ସ୍କୁଟି ଚାଳକ ଗୁରୁତର ହୋଇଛନ୍ତି । ଗୁରୁତର ସ୍କୁଟି ଚାଳକକୁ ପ୍ରଥମେ ଜିଲ୍ଲା ଡାକ୍ତରଖାନାକୁ ପରେ ଅନୁଗୁଳ ଜିଲ୍ଲା ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି । ଗୁରୁତର ଜଣକ ଝିମିରିପାଲି ଗ୍ରାମର ହରିହର ବୋଇତା ବୋଲି ଜଣାପଡିଛି ।
