ଇଂରାଜ ପତ୍ରିକା ଇଣ୍ଡିଆ ଟୁଡେ ପକ୍ଷରୁ ସଦ୍ୟ ପ୍ରକାଶ ପାଇବାକୁ ଥିବା ସଂସ୍କରଣର କଭର ପେଜରେ ସ୍ଥାନ ପାଇଛି କେନ୍ଦୁଝରର ନବ ନିର୍ବାଚିତ ସାଂସଦ ଚନ୍ଦ୍ରାଣୀ ମୁର୍ମୁଙ୍କ ଫଟୋ । ବିଜୁ ଜନତା ଦଳରୁ ପାର୍ଥୀ ହୋଇ ନିର୍ବାଚନ ମଇଦାନକୁ ଓହ୍ଲାଇ ଥିବା ଚନ୍ଦ୍ରାଣୀ ତାଙ୍କ ନିକଟତମ ପ୍ରତିଦ୍ୱନ୍ଦୀ ବିଜେପି ପ୍ରାର୍ଥୀ ତଥା ଦୁଇ ଥର ସାଂସଦ ହୋଇଥିବା ଅନନ୍ତ ନାୟକଙ୍କୁ ୬୬ ହଜାରୁ ଅଧିକ ଭୋଟରେ ମାତ ଦେଇ ବିଜୟୀ ହୋଇଥିଲେ । କେନ୍ଦୁଝର ସାଂସଦ ଚନ୍ଦ୍ରାଣୀ ସଦ୍ୟ ଶେଷ ହୋଇଥିବା ଲୋକସଭା ନିର୍ବାଚନରେ ସାରା ଭାରତରେ କନିଷ୍ଠ ସାଂସଦର ଆଖ୍ୟା ପାଇଛନ୍ତି ।ବର୍ତମାନ ଚନ୍ଦ୍ରାଣୀଙ୍କ ବୟସ ୨୫ ବର୍ଷ ୧୧ ମାସ ।୨୦୧୭ ମସିହାରେ ଇଞିନିୟରିଂ ପାସ୍ ପରେ ଚାକିରି ଖୋଜୁ ଥିବା ଚନ୍ଦ୍ରାଣୀଙ୍କ ରାଜନିତୀଙ୍କୁ ଏଣ୍ଟି ସମସ୍ତଙ୍କୁ ବିସ୍ମିତ କରିଥିଲା କିନ୍ତୁ ସବୁ କଳ୍ପନା ଜଳ୍ପନାର ଅନ୍ତ ଘଟାଇ ଚନ୍ଦ୍ରାଣୀ ବର୍ତମାନ ଜାତୀୟ ଗଣମାଧ୍ୟମରେ ଚର୍ଚ୍ଚିତ ଚେହେରା ପାଲଟି ଯାଇଛନ୍ତି । ଏଠାରେ ସୂଚନାଯୋଗ୍ୟ ସଦ୍ୟ ପ୍ରକାଶ ପାଇବାକୁ ଥିବା ଇଣ୍ଡିଆ ଟୁଡେର ଏହି ସଂସ୍କରଣର କଭର ପେଜରେ ଦିଲ୍ଲୀରୁ ସାଂସଦ ହୋଇଥିବା କ୍ରିକେଟର ଗୌତମ ଗମ୍ଭୀର ,ଅଭିନେତା ରୁ ସାଂସଦ ବନିଥିବା ରବି କିଶାନଙ୍କ ଫଟୋ ମଧ୍ୟ ସ୍ଥାନ ପାଇଛି ।
