ବେକାର ଯୁବକ ଯୁବତୀମାନଙ୍କୁ ରୋଜଗାରକ୍ଷମ କରାଇବେ ବାବା ରାମଦେବ. ଆଜ୍ଞା ହଁ, ଆଗକୁ ଆସୁଥିବା ଦିନରେ ବେକାର ଯୁବକ ଯୁବତୀଙ୍କୁ ଏଭଳି କିଛି ସୁଯୋଗ ଉପଲବ୍ଧ ହେବ ବୋଲି ବାବା ରାମଦେବ କହିଛନ୍ତି. ତେବେ ସୂଚନା ଅନୁସାରେ, ପତଞ୍ଜଳୀ ଗ୍ରୁପ୍, ଆନ୍ଧ୍ରପ୍ରଦେଶର ବିଜୟନଗରମ୍ ରେ 634 କୋଟି ଟଙ୍କା ନିବେଶ କରିବାକୁ ଯାଉଛି. ଏହାକୁ ନେଇ ବାବା ରାମଦେବ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଚନ୍ଦ୍ରବାବୁ ନାଇଡୁଙ୍କ ସହ ସାକ୍ଷାତ କରିଥିଲେ. ସାକ୍ଷାତ ପରେ, ପତଞ୍ଜଳୀ ଫୁଡ୍ ଆଣ୍ଡ ହର୍ବାଲ ପାର୍କ ଚିନ୍ନାରାୱପଲ୍ଲୀ ଗାଁର ପାଖାପାଖି 172.84 ଏକର ଜାଗାରେ ଏହା ସ୍ଥାପନ କରାଯିବ ବୋଲି ସୂଚନା ଦିଆଯାଇଛି. ଫଳରେ ପାଖାପାଖି 33,400 ଜଣଙ୍କୁ ନିଯୁକ୍ତି ସୁଯୋଗ ମିଳିବ ବୋଲି କୁହାଯାଉଛି.
