ପିଆଜ ଦର ଆଖିରେ ଲୁହ ଭରିଦଉଛି | ହୁତୁ ହୁତୁ ହୋଇ ବଢିବାକୁ ଲାଗୁଛି ଦର | ପିଆଜରେ ହାତ ମାରିବାକୁ ଡର ଲାଗୁଛି | ଓଡ଼ିଶାର ପ୍ରାୟ ଅଧିକାଂଶ ସ୍ଥାନରେ ପିଆଜ କିଲୋ ୫୦ ଟଙ୍କା ଉପରେ ଥିବା ବେଳେ, ଦିଲ୍ଲୀରେ ୮୦ ଟଙ୍କା, ଗୁରୁଗ୍ରାମରେ ୮୦ ଟଙ୍କା, ପାଟଣାରେ ୭୦ ଟଙ୍କା କୋଲକାତାରେ ୭୦ରୁ ୭୫ ଟଙ୍କା ରହିଛି | ଅପ୍ରତ୍ୟାଶିତ ମୌସୁମୀ ବର୍ଷା ଯୋଗୁ ଫସଲହାନୀ ହୋଇଥିବାରୁ ପିଆଜ ଦର ବୃଦ୍ଧି ପାଉଛି | ସେପଟେ ବଢୁଥିବା ଦର ସାଧାରଣ ଖାଉଟିଙ୍କ ଆଖିରେ ଲୁହ ଦେଉଥିବା ବେଳେ, ମହାରାଷ୍ଟ୍ରର ନାସିକରୁ ଆସିଛି ପିଆଜ ଚୋରି ନେଇ ଏକ ବଡ ଖବର | ସୋମବାର ବିଳମ୍ବିତ ରାତିରେ ଦୁର୍ବୁତ୍ତମାନେ ଗୋଦାମ ମଧ୍ୟରେ ପଶି ଲକ୍ଷାଧିକ ଟଙ୍କାର ପିଆଜ ବସ୍ତା ଚୋରି କରିନେଇଥିବା ଜଣାପଡିଛି | ସେହିପରି ବିହାରର ପାଟଣାରେ ପିଆଜ ଚୋରି ହୋଇଥିବା ଖବର ସାମ୍ମନାକୁ ଆସିଛି | ପୋଲିସ ଏହି ସବୁ ଅଭିଯୋଗକୁ ଭିର୍ତ୍ତି କରି ତଦନ୍ତ ଆରମ୍ଭ କରିଦେଇଥିବା ଜଣାପଡିଛି |
