ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ଜୟନ୍ତୀ ଦିବସର ଗୋଟିଏ ଦିନ ପୂର୍ବରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ସମ୍ମାନ ଉଦ୍ଦେଶ୍ୟରେ 100 ଟଙ୍କିଆ ସ୍ମାରକୀ ମୁଦ୍ରା ଉନ୍ମୋଚନ କରିଛନ୍ତି. ଏହି ଅବସରରେ ସଂସଦ ଭବନ ପରିସରରେ ଆୟୋଜିତ କାର୍ଯ୍ୟକ୍ରମରେ ସଂସ୍କୃତି ମନ୍ତ୍ରୀ ମହେଶ ଶର୍ମା ଯୋଗ ଦେଇଥିଲେ. 1996 ରେ ଅଳ୍ପ ସମୟ ପାଇଁ ଏବଂ 1998 ରୁ 2004 ପର୍ଯ୍ୟନ୍ତ ଏନଡିଏ ନେତୃତ୍ୱାଧିନ ସରକାରରେ ସେ ତିନିଥର ପ୍ରଧାନମନ୍ତ୍ରୀ ଥିଲେ. 2014 ରେ ତାଙ୍କୁ ଭାରତ ରତ୍ନ ଉପାଧିରେ ଭୂଷିତ କରାଯାଇଥିଲା. ଗତ ଅଗଷ୍ଟ 16 ତାରିଖରେ ତାଙ୍କର ଦେହାନ୍ତ ହୋଇଥିଲା. ଡିସେମ୍ବର 25 ତାରିଖ ତାଙ୍କ ଜନ୍ମ ଦିନକୁ କେନ୍ଦ୍ର ସରକାର ସୁଶାସନ ଦିବସ ରୂପେ ପାଳନ କରୁଛନ୍ତି.
