ଚାଲିଛି ବିବାହ ଋତୁ । ନିଜ ବାହାଘରକୁ ଆକର୍ଷଣୀୟ କରିବା ପାଇଁ ଲାଗିପଡିଛନ୍ତି ଯୁବଗୋଷ୍ଠୀ । କିଏ ତୋରଣ ସଜାଇ ଡେକୋରେସନ କରୁଛି ତ ପୁଣି କିଏ ନିଜ ଗାଡିକୁ ସଜାଇ ବର ବେଶରେ କନ୍ୟା ଘରକୁ ଯାଉଛି । କିନ୍ତୁ ଆପଣ କେବେ ଦେଖିଛନ୍ତି କି ହେଲିକପ୍ଟରରେ ବର ଆସି କନ୍ୟା ଘରେ ପହଁଞ୍ଚିବାର । ହେଲିକପ୍ଟରରୁ ଆସି ମଣ୍ଡପରେ ଓହ୍ଲାଇଛନ୍ତି ବର । ସୁରତ ସହର ସାରା ଆକାଶରେ ବୁଲିବା ପରେ ବିବାହ ମଣ୍ଡପକୁ ହେଲିକପ୍ଟରରେ ଆସି ପହଁଞ୍ଚିଥିଲେ ରାହୁଲ ନାମକ ଯୁବକ । ଏହାପରେ ବନ୍ଧୁ ପରିଜନ ବରକୁ ପାଛୋଟି ନେଇଥିଲେ । ଆକାଶରୁ ଫୁଲ ବର୍ଷା ହେଉଥିଲା । ଏ ଦୃଶ୍ୟ ଦେଖିବାକୁ ବେଷ୍ ଆକର୍ଷଣୀୟ ଥିଲା । ବିବାହ କାର୍ଯ୍ୟକ୍ରମକୁ ସ୍ୱତନ୍ତ୍ର କରିବା ପାଇଁ ବର ପକ୍ଷରୁ ଏଭଳି ଆୟୋଜନ କରାଯାଇଥିଲା । ଏଭଳି କିଛି ଦୃଶ୍ୟ ସୁରତରେ ଦେଖିବାକୁ ମିଳିଛି । ଯାହା ଏବେ ବେଶ୍ ଭାଇରାଲ ହେଉଛି ।
