ରିଲରେ ହିରୋ ହେଲେ ରିଅଲ ଲାଇଫରେ ଭିଲେନ୍ । ଏମିତି ଜଣେ ଠକ ହିରୋଙ୍କୁ ଗିରଫ କରିଛି କମିଶନରେଟ ପୋଲିସ । ଓଲିଉଡ ହିରୋ ଅଜିତାଭ ମଲ୍ଲିକଙ୍କୁ ବାନ୍ଧିଛି ଖଣ୍ଡଗିରୀ ଥାନା ପୋଲିସ । ଘର ବିକ୍ରୀ ନାଁରେ ମହିଳା ଅଧ୍ୟାପିକାଙ୍କ ଠାରୁ ୮୫ ଲକ୍ଷ ଟଙ୍କା ଲୁଟିଥିବା ତାଙ୍କ ବିରୋଧରେ ଅଭିଯୋଗ ହୋଇଛି । ଓଲିଉଡ ଫିଲ୍ମ ଅରୁନ୍ଧତିର ହିରୋ ଓ ପ୍ରଡ୍ୟୁସର ହେଉଛନ୍ତି ଅଜିତାଭ ମଲ୍ଲିକ । ରେଭେନ୍ସା ବିଶ୍ୱବିଦ୍ୟାଳୟର ଜଣେ ମହିଳା ଅଧ୍ୟାପକଙ୍କୁ ଘର ବିକ୍ରୀ କରେଇ ଦେବା ନାଁରେ ସେ ଚୂନା ଲଗେଇଛନ୍ତି । ଭୁବନେଶ୍ୱର ଅଞ୍ଚଳରେ ଏକ ଡୁପ୍ଲେକ୍ସ ଘରକୁ କୋଟିଏ ଟଙ୍କାରେ ବିକ୍ରୀ କରିବାକୁ କହିଥିଲେ । ସେଥିପାଇଁ ପ୍ରଥମେ ନଗଦ ୨୫ ଲକ୍ଷ ନେଇଥିଲେ । ପରେ ସୁନା, ବ୍ୟାଙ୍କ ଓ ୟୁପିଆଇ ଟ୍ରାଞ୍ଜାକ୍ସନ ମାଧ୍ୟମରେ ବେମାଟ୍ ୮୫ ଲକ୍ଷ ଟଙ୍କା ନେଇଛନ୍ତି । ୨୦୨୦ରୁ ବିଭିନ୍ନ ପର୍ଯ୍ୟାୟରେ ମହିଳାଙ୍କ ଠାରୁ ସେ ଟଙ୍କା ନେଇଥିଲେ । ହେଲେ ଧରା ଛୁଆଁ ଦେଉନଥିଲେ । ଖଣ୍ଡଗିରୀ ଥାନାରେ ଅଭିଯୋଗ ପରେ ତାଙ୍କୁ ଗିରଫ କରିଛି ପୋଲିସ ।
