ସମାଜସେବୀ ଆଦିତ୍ୟଙ୍କ ମୃତ୍ୟୁ ଘଟଣାକୁ ବିତିଗଲାଣି ୧୨ ଦିନ । ତଥାପି ରହସ୍ୟ ଉପରୁ ଉଠି ପାରୁନି ପରଦା । ବନ୍ଧୁଙ୍କ ଠୁ ଆରମ୍ଭ କରି ନିଜ ପତ୍ନୀ ବିଦ୍ୟାଶ୍ରୀଙ୍କୁ ଘନ ଘନ ଜେରା କରୁଛି ଜିଆରପି ପୋଲିସ । ଲିଙ୍ଗରାଜ ଷ୍ଟେସନଠାରୁ ୨୦୦ ମିଟର ଦୂରରୁ ଆଉ ୨ଟି ସିସିଟିଭି ଫୁଟେଜ ଉଦ୍ଧାର କରିଛି ପୋଲିସ । ଦୁଇଟି ସିସିଟିଭି ଫୁଟେଜ ମଧ୍ୟରୁ ଗୋଟିଏ ଭଲଭାବେ ଦୃଶ୍ୟମାନ ହେଉଥିବାନେଇ ସୂଚନା ମିଳିଛି । ଆଦିତ୍ୟଙ୍କ ମୃତ୍ୟୁ ସମୟରେ ୩ଟି ଟ୍ରେନ୍ ସେଇ ବାଟ ଦେଇ ଯାଇଥିବାବେଳେ ପୁରୁଷୋତ୍ତମ ଏକ୍ସପ୍ରେସ ଡ୍ରାଇଭରଙ୍କର ବୟାନ ରେକର୍ଡ କରିଛି ପୋଲିସ । ଟ୍ରେନ୍ ଡ୍ରାଇଭରଙ୍କ କହିବା ମୁତାବକ ସେଇଦିନ ଲିଙ୍ଗରାଜ ଷ୍ଟେସନ ନିକଟରେ ପୁରୁଷୋତ୍ତମ ଏକ୍ସପ୍ରେସ ସହିତ କୌଣସି ଦୁର୍ଘଟଣା ହୋଇନାହିଁ ।
