ଓଡିଶା ପୋଲିସ ହାଉଶିଂ ଓୟାର କର୍ପୋରେସନର ଡେପୁଟୀ ମ୍ୟାନେଜର ପ୍ରତାପ ସାମଲଙ୍କୁ ସରକାର ବାଧ୍ୟତାମୂଳକ ଅବସର ଦେଇଛନ୍ତି । ଆୟ ବହିର୍ଭୁତ ସଂପତ୍ତି ମାମଲାରେ ଭିଜିଲାନ୍ସ ଦ୍ବାରା ଗିରଫ ହୋଇଛନ୍ତି ପ୍ରତାପ । ଭିଜିଲାନ୍ସ ଚଢଉ ବେଳେ ପ୍ରତାପଙ୍କ କୁବେର ସଂପତ୍ତି ଦେଖି ସମସ୍ତେ ତାଜୁବ ହୋଇଯାଇଥିଲେ । ପ୍ରାୟ 15 କୋଟିରୁ ଅଧିକ ଟଙ୍କାର ସଂପତ୍ତି ଠାବ ହୋଇଥିଲା । ଭୁବନେଶ୍ବର, କଟକ, ଭଦ୍ରକ ଓ ବାଲେଶ୍ବରରେ ତାଙ୍କର କୋଡିଏଟିରୁ ଅଧିକ ଅଟ୍ଟାଳିକା ଓ ଜମି ଠାବ କରାଯାଇଥିଲା । ଏପରିକି ଭିଜିଲାନ୍ସ ଟିମକୁ ଦେଖି ପ୍ରତାପ ଲକ୍ଷ ଲକ୍ଷ ଟଙ୍କାର ଏକ ପେଟିକୁ ପଡୋଶୀ ଘର ଛାତ ଉପରକୁ ଫୋପାଡି ଦେଇଥିଲେ । ପ୍ରତାପ ତାଙ୍କ ସ୍ତ୍ରୀଙ୍କ ନାଁରେ ଓଲିଉଡରେ ମଧ୍ୟ ଟଙ୍କା ଲଗାଇଥିଲେ । ଏବେ ଓଲିଉଡ ଲିଙ୍କକୁ ନେଇ ଖୋଳତାଡ କରୁଛି ଭିଜିଲାନ୍ସ ।
