ଆସିକା ସଂସଦୀୟ କ୍ଷେତ୍ରରେ ଅଭାବନୀୟ ଘଟଣା । ସାନଖେମୁଣ୍ଡି କଂସାମାରି ବୁଥରେ ଜଣେ ୯୫ବର୍ଷୀୟ ବୃଦ୍ଧ ଭୋଟ ଦେବାକୁ ଆସିଥିବା ବେଳେ ତାଙ୍କର ମୃତ୍ୟୁ ହୋଇଛି । ମୃତକ ହେଲେ ନଟବର ବେହେରା । ନଟବର ଭୋଟ ଦେବା ପାଇଁ ୧୮୩ ନଂ ବୁଥରେ ଧାଡିରେ ଛିଡା ହୋଇଥିଲେ । ହଠାତ ସେ ତଳେ ପଡିଯାଇଥିଲେ । ପରିବାର ଲୋକେ ତାଙ୍କୁ ଦିଗପହଣ୍ଡି ମେଡିକାଲ ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ନିର୍ବାଚନ କମିଶନଙ୍କ ପକ୍ଷରୁ କୁହାଯାଇଥିଲା ଯେ ବୁଥ ଗୁଡିରେ ବରିଷ୍ଠ ନାଗରିକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ହେଲେ ଏଭଳି ଅଘଟଣ ଘଟିବା ପରେ ନିର୍ଦ୍ଦେଶନାମା ସଠିକ୍ ଭାବେ କାର୍ଯ୍ୟକାରୀ ହେଉଛି କି ନାହିଁ ତାହାର ତଦାରଖ କରିବା ଜରୁରୀ ହୋଇଛି
