ରାହୁଲଙ୍କ ଗସ୍ତକୁ ନେଇ ଜୋସରେ କଂଗ୍ରେସ

ଓଡିଶାବାସୀଙ୍କୁ ଉଦବୋଧନ ଦେବାକୁ ଶୁକ୍ରବାର ଓଡିଶା ଗସ୍ତରେ ଆସୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ । ତେବେ ରାହୁଲଙ୍କ ଗସ୍ତ ପାଇଁ ପ୍ରଚାର କାର୍ଯ୍ୟରେ ୧୦ଟି ରଥ ନିୟୋଜିତ ହୋଇଛି । ମଙ୍ଗଳବାରଠାରୁ ରାଜ୍ୟ କଂଗ୍ରେସ ଭବନରୁ ଏହି ରଥ ଗୁଡିକର ଶୁଭାରମ୍ଭ କରାଯାଇଛି । ଏହି ରଥ ଭୁବନେଶ୍ୱର ସମେତ ଖୋର୍ଦ୍ଧା ଜିଲ୍ଲାର ବିଭିନ୍ନ ସ୍ଥାନ ସହ ନଖରା ପର୍ଯ୍ୟନ୍ତ ବୁଲିବୁଲି ପ୍ରଚାର କରିବ ବୋଲି ଜଣାପଡିଛି । ନିର୍ବାଚନ ପର୍ଯ୍ୟନ୍ତ ସବୁ ମାସରେ ରାହୁଲ ଥରୁଟିଏ ଓଡିଶା ଗସ୍ତରେ ଆସିବେ ବୋଲି ଓଡିଶା ପ୍ରଭାରୀ ଜିତେନ୍ଦ୍ର ସିଂ କହିଛନ୍ତି । କଂଗ୍ରେସରୁ ବରିଷ୍ଠ ବିଧାୟକ ନବ ଦାସ ଦଳ ଛାଡିବା ଏବଂ ପରେପରେ ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନାଙ୍କ ସମେତ କୃଷ୍ଣଚନ୍ଦ୍ର ସଗରିଆଙ୍କ ବିରୋଧରେ ଦଳ କାର୍ଯ୍ୟାନୁଷ୍ଠାନ ଗ୍ରହଣ କରିବା ଦଳିୟ ରାଜନୀତିକୁ ଉଷ୍ମ କରିଥିବାବେଳେ ରାହୁଲଙ୍କ ଗସ୍ତର ଗୁରୁତ୍ୱ ବଢିଯାଇଛି । ଦଳୀୟ ଶୃଙ୍ଖଳାକୁ ନେଇ ନେତୃତ୍ୱ କଠୋର ବୋଲି ବାର୍ତ୍ତା ଦେବାକୁ ଚେଷ୍ଟା କରିଛି ।