ରାଜଧାନୀ ସହିଦନଗର ଥାନାର ମହିଳା ପୋଲିସ ଏଏସଆଇ ମମତା ବସ୍ତିଆ । କୌଣସି ଏକ ମାମଲାରେ ସହଯୋଗ କରିବା ପାଇଁ 15 ହଜାର ଟଙ୍କା ଲାଞ୍ଚ ନେଉଥିବା ବେଳେ ଆଜି ଗିରଫ କରିଛି ଭିଜିଲାନ୍ସ । ଏତଲାକାରୀଙ୍କ ଠାରୁ 15 ହଜାର ଟଙ୍କା ଲାଞ୍ଚ ମାଗିବା ପରେ ଏତଲାକାରୀ ଭିଜିଲାନ୍ସର ସହଯୋଗ ଲୋଡିଥିଲେ । ଆଜି ଏଏସଆଇ ମମତା ଲାଞ୍ଚ ବାବଦ ଟଙ୍କା ନେଉଥିବା ବେଳେ ପୂର୍ବରୁ ଛକି ରହିଥିବା ଭିଜିଲାନ୍ସ ଟିମ୍ ମାଡି ବସିଥିଲେ । ମମତାଙ୍କୁ ଭିଜିଲାନ୍ସ ଗିରଫ କରିବା ସହ ତାଙ୍କ ବାସଭବନ ଉପରେ ଚଢାଉ କରିଛି । ପୂର୍ବରୁ ମଧ୍ୟ ମମତାଙ୍କ ନାଁରେ ଭିଜିଲାନ୍ସରେ ଅଭିଯୋଗ ଥିବା ଜଣାପଡିଛି ।
